இதர பிரிவுகள்

நம்முடைய வீடுகளிலும் நோய் நுண் கிருமிகள் உள்ளன. நாம் சில சுகாதார பழக்கவழக்கங்களை பின்பற்றுகிறோம். அதாவது வீட்டை தினமும் சுத்தம் செய்தல், நோய் நுண் கிருமிகளை உருவாக்கும் பொருள்களை வீட்டில் இருந்து நீக்குதல் அல்லது அகற்றுதல், சலவை பொருட்களை (டிடர்ஜென்ட்டுகள்) பயன்படுத்துதல் மற்றும் தரையை சுத்தம் செய்யப் பயன்படுத்தப்படும் பொருட்களை பயன்படுத்துதல் போன்றவைகள். நாம் எவ்வளவு முன்னெச்சரிகையுடன் இருந்தாலும் கூட நம் வீட்டில் நோய் நுண் கிருமிகள் என்பது இருக்கும். சில இடங்களில் இந்த கிருமிகள் தேங்கி இவைகளை அழிக்க பயன்படுத்தப்படும் சுத்தம் செய்யும் மருந்து அல்லது இரசாயன நச்சு பொருட்களில் இருந்து பாதுகாப்பாக இருக்கும். தொந்தரவு தரும் இவ்வகையான நோய் நுண் கிருமிகளால் வீட்டில் பல இடங்கள் ஆக்கிரமிக்கப்பட்டுள்ளன. இந்த மாதிரி பாக்டீரியா மற்றும் வைரஸ்களை கொண்ட நோய் நுண் கிருமிகள் தங்கி உள்ள இடங்கள் சில சமயங்களில் நாம் நம் துணிகளை தொடர்ந்து துவைப்பதில்லை.அத்தகைய துணிகள் நம் அறை மூலையிலும் அல்லது குளியலறையின் மூலையிலும் குவிந்து கிடக்கும். இந்த துணிகள் பாக்டீரியா மற்றும் வைரஸ்கள் கொண்ட நோய் நுண் கிருமிகளால் ஆக்கிரமிக்கப் பட்டுள்ளது. குவிக்கப்பட்ட அழுக்கு துணிகள் மற்றும் தேய்க்க வேண்டிய துணிகளிலும் தங்கி பெருகுகிறது, இதனால் இது கிருமிகளால் பாதிக்கப்பட்ட இடமாக வீடுகளில் உள்ளது. எப்பொழுதும் துணிகளை தொடர்ந்து துவைப்பது நல்லது, அதுவும் வியர்வை மற்றும் அழுக்கான துணிகளை உடனே துவைப்பது மிகவும் நல்லது. கழிப்பறைகள் மற்றும் குளியலறைகளை நாம் எவ்வளவு தான் சுத்தம் செய்து, இரசாயன மருந்துகளை பயன்படுத்தினாலும் கூட அது கிருமிகளை அழிப்பதற்கு போதுமானதாக இருப்பதில்லை. சில மூலை இடுக்குகள் இந்த நோய் நுண் கிருமிகளால் பாதிக்கப்பட்டு சுத்தம் செய்யபடாமல் இருக்கின்றன. துண்டுகள் (டவல்) நோய் நுண் கிருமிகளால் பாதிக்கப்படுவதற்கு ஒரு முக்கிய காரணமாக உள்ளன. கழிப்பறை இடங்கள் நோய் நுண் கிருமிகளால் முக்கியமாக பாதிக்கப்பட்டு இருக்கின்றன. அதை கவனமாக சுத்தம் செய்தால் நோய் நுண் கிருமிகளில் இருந்தும் தொற்று நோய்களில் இருந்தும் தப்பிக்கலாம். நோய் நுண் கிருமிகளால் பாதிக்கப்படும் முக்கியமான பொருட்களில் ஒன்றாக விளங்குகிறது டூத் ப்ரஷ். டூத் பிரஷ் என்பது நேரடியாக நம்மால் உபயோகிக்கப்படும் ஒரு பொருள். இது நோய் நுண் கிருமிகளால் பாதிக்கப்பட்டு நமக்கு எளிதில் நோயை பரப்பும். எனவே டூத் பிரஷை தினசரி உபயோகத்திற்கு பிறகு மூடி வைப்பது நல்லது. . துணி துவைக்க உதவும் பால்கனி, பாத்திரங்கள், இன்ன பிற பொருட்கள் போன்றவைகளையும் வீட்டில் கிருமிகளால் பாதிக்கப்பட்ட இடங்களே. பாக்டீரியா மற்றும் வைரஸ்கள் சுத்தம் இல்லாத துணி மற்றும் பாத்திரத்துடன் சேர்ந்து எல்லா இடத்தையும் பாதிக்கிறது. சுத்தம் செய்ய பயன்படும் சோப்பு நுரை, சுத்தம் செய்ய உதவும் ப்ரஷ், இன்ன பிற பொருட்கள் பாக்டீரியா மற்றும் வைரஸ்களால் பாதிக்கப்படுகிறது. இந்த உபகரணங்களை நன்கு சுத்தம் செய்து அதன் பின் உபயோகிக்க வேண்டும். பாக்டீரியா மற்றும் வைரஸ்களை ஒழிக்க பயன்படுத்தப்படும் இரசாயன பொருட்களை உபயோக்கிக்கும் இடமும் சுத்தமாக இருக்க வேண்டும். குப்பைத் தொட்டியை சுற்றி உள்ள இடமே ஒரு வீட்டில் பாக்டீரியா மற்றும் வைரஸ்கள் போன்ற நுண் கிருமிகளால் மிகவும் பாதிக்கப்படும் இடம். . இதுவே பாக்டீரியா மற்றும் வைரஸ்கள் போன்ற நுண் கிருமிகள் இனபெருக்கம் செய்ய சிறந்த இடமாக உள்ளது. எனவே தினமும் குப்பைத் தொட்டியில் உள்ள குப்பைகளை சுத்தம் செய்து, அதை சுற்றி இருக்கும் இடத்தில் குப்பைகள் சேராமலும் அகற்ற வேண்டும். இடத்தை சுத்தமாகவும், தேவை இல்லாத குப்பைகள் சேராமலும் பார்த்துக் கொள்ளவும். அதே போல் குப்பைத் தொட்டியை மூடியும், சரியான இடைவெளியில் சுத்தம் செய்தும் வைக்க வேண்டும்.

ஒவ்வொரு ஆண் மகனுக்கும் ஷேவிங் செய்வது முழுமையான திருப்தியளிக்கும் விஷயமாகும். ஷேவிங் செய்த பிறகு தோலை மென்மையாக்க வேண்டியது மிகவும் முக்கியமானதாகும். பெண்களைப் போல ஆண்களுக்கும் ஃபேஸியல் பேக் கிடைப்பதெல்லாம் இப்பொழுது சகஜமாகி விட்டது. மேலும், மென்மையான மற்றும் சமமான தோல் பகுதியை முகத்தில் கொண்ட ஆண்களையே பெண்கள் விரும்புகிறார்கள் என்று சொல்கிறது ஒரு ஆய்வு! ஷேவிங்கிற்குப் பின்னர், இயற்கையாக முகத்தைப் பராமரிக்க விரும்பினால் ஓட்ஸ், தயிர் ஆகியவற்றுடன் வெள்ளரிக்காயைச் சேர்த்து பயன்படுத்துங்கள். இவற்றை கலவையாக கலந்து தயாரிக்கப்படும் பேஸ்ட் உங்கள் முகத்தோலை குளுமைப்படுத்தவும் மற்றும் மென்மையாக மாற்றவும் செய்யும். ஷேவிங்கிற்குப் பிறகு, சுமார் 30 நிமிடங்களுக்கு இந்த கலவையை முகத்தில் போட்டிருந்தால் நல்ல பலன் கிடைக்கும். கடலை மாவு, பாதாம் எண்ணெய் மற்றும் தண்ணீருடன் சேர்த்து மஞ்சள் பொடியை சேர்த்து கலந்துவிட்டால் உங்களுக்கான ஆஃப்டர் ஷேவ் பேக் ரெடி. இந்த பேக் உங்கள் சருமத்தில் ஷேவிங்கின் போது ஏற்பட்ட காயங்களை குணப்படுத்துவதுடன், முகத்தை ஈரப்பதமாகவும், மென்மையாகவும் வைத்திருக்கும். நீங்கள் ஒவ்வொரு முறை ஷேவிங் செய்த பின்னும் பயன்படுத்த வேண்டிய பொருள் தேன் ஆகும். தேன் திறமையுடன் தனித்து நின்று செயல்படக் கூடிய ஃபேஸ் பேக் ஆகும். ஷேவிங்கிற்குப் பின்னர் தேனை உங்கள் முகத்தில் தடவிக் கொண்டு, 20-30 நிமிடங்கள் இருக்க வேண்டும். அதன் பின்னர் முதலில் வெதுவெதுப்பான தண்ணீரிலும், பிறகு குளிர்ந்த நீரிலும் முகத்தை கழுவ வேண்டும். வறண்ட சருமம் கொண்ட ஆண்களுக்கு வாழைப்பழ ஃபேஸ் பேக் பலன் தரும். வாழைப்பழம், தயிர் மற்றும் தேன் ஆகியவற்றை கலந்து கெட்டியான ஒருகலவையை தயார் செய்து கொள்ளுங்கள். இந்த கலவையை ஷேவிங்கிற்குப் பின்னர் 10-20 நிமிடங்கள் முகத்தில் தடவி, தோலுக்கு புத்துயிர் கொடுங்கள். பப்பாளியில் உள்ள ‘பப்பாய்ன்’ என்ற சிறப்பு என்ஸைம் இறந்த செல்களை நீக்கவும் மற்றும் தோலின் கழிவுகளை நீக்கவும் செய்யும் திறன் கொண்டதாகும். சூரிய வெப்பத்தால் ஏற்பட்ட காயங்கள் அல்லது தோல் எரிச்சல் ஆகியவற்றை குணப்படுத்தி உங்கள் தோலை இயல்பு நிலைக்கு கொண்டு வரும்.

உடலின் முக்கியமான பாகங்களில் ஒன்றாக இருக்கும் காதை அவ்வப்போது சுத்தம் செய்ய வேண்டியது அவசியம். காதுகளுக்கென்று தனியான பாதுகாப்பு அம்சங்கள் எதுவும் இல்லை. எனவே, சிறு சிறு துகள்களாக அழுக்குகள் காதுகளுக்குள் சேர்ந்து விட வாய்ப்புகள் உள்ளன. மெழுகு போன்று அந்த அழுக்குகள் சேர்வதால் காது அடைத்துக் கொள்ளவும் கூடும். அழுக்குகளும், குப்பையும் காதை ஆக்கிரமித்துக் கொள்ளும் அபாயமும் உண்டு. சுத்தம் செய்ய சில எளிமையான வகைகள் தேங்காய் எண்ணெய் போன்றவற்றை சூடாக காய்ச்சி, அதை பயன்படுத்தி காதில் உள்ள அழுக்குகளை சுத்தம் செய்ய முடியும். தேங்காய் எண்ணெயை சிறிய கிண்ணத்தில் எடுத்துக் கொள்ளவும். இந்த எண்ணெய் வெதுவெதுப்பாக இருக்குமாறு காய்ச்சத் தொடங்கவும். வெதுவெதுப்பாக இருக்கும் எண்ணெயில் 3-4 துளிகளை காதில் விடவும். இந்த வெதுவெதுப்பான எண்ணெய் கரைப்பானாக செயல்பட்டு காதில் உள்ள மெழுகை கரைத்து, எளிதில் வெளியேறச் செய்யும். இவ்வாறு எண்ணெயை காதுக்குள் விடும் போது, தலையை எதிர்ப்புறமாக திருப்பி வைத்தால், எண்ணெய் காதுக்குள் ஆழமாக உள்ளே செல்லும். இரவு முழுவதும் எண்ணெயை காதுக்குள் வைத்திருக்கும் பொருட்டாக பஞ்சை கொண்டு காதை அடைத்து விடுங்கள். அடுத்த நாள் காலையில் தண்ணீரை விட்டு காதை சுத்தம் செய்யுங்கள் மற்றும் அதிகபட்சமாக இருக்கும் எண்ணெயையும் தண்ணீர் கொண்டு சுத்தம் செய்யுங்கள். மென்மையான பட்ஸ்களைக் கொண்டு காதுகளை தொடர்ந்து சுத்தம் செய்து வந்தால் நல்ல பலன் கிடைக்கும். இந்த முயற்சியின் போது நீங்கள் கவனிக்க வேண்டிய விஷயம் – மென்மையான பட்ஸ்களை தேர்ந்தெடுப்பது தான். காதையோ அல்லது அதன் உட்பகுதிகளையோ சேதப்படுத்தக் கூடிய பட்ஸ்கள் அல்லது கருவிகளை பயன்படுத்த வேண்டாம். நல்ல தரமான மற்றும் மென்மையான பட்ஸ்கள் மருந்தகங்களில் கிடைக்கின்றன. இந்த வழிமுறைகளை எல்லாம் பயன்படுத்திய பின்னரும் உங்கள் காதுகளில் உள்ள அடைப்புகள் நீங்காவிடில், இது நீங்கள் மருத்துவரை சந்திக்க வேண்டிய நேரமாகும். காது வலி மற்றும் மெழுகு உருவாகி கிடத்தல் ஆகியவை காது தொடர்பான நோய்களுக்கான அறிகுறிகளாகவும் இருக்கலாம். காதுகளில் தொடர்ந்து மற்றும் அடிக்கடி வலி ஏற்பட்டால் அது மிகவும் முக்கியமான விஷயமாக இருக்கும். மேலும், மருத்துவர்கள் அவர்களிடமுள்ள கருவிகளைக் கொண்டு உங்கள் காதுகளை சுத்தம் செய்து விடுவார்கள். காதுகளில் உள்ள அழுக்குகளை எளிதில் சுத்தம் செய்ய முடியாது. அதற்கு தொடர்ந்த கவனிப்பும், பராமரிப்பும் அவசியம். உடலின் மற்ற பாகங்களைப் போலவே காதுகளுக்கும் சமமான முக்கியத்துவம் கொடுக்க வேண்டும்.