முதல் முறையாக 1992-ம் ஆண்டு சிட்னியில் நடந்த இங்கிலாந்துக்கு எதிரான அரைஇறுதியில், மழை பாதகமாக அமைய பரிதாபமாக தோற்க நேரிட்டது. 1996-ம் ஆண்டு உலக கோப்பையில் கால்இறுதியில் லாராவின் சதத்திற்கு ஈடுகொடுக்க முடியாமல் வெஸ்ட் இண்டீசிடம் உதை வாங்கியது. 1999-ம் ஆண்டு உலக கோப்பையில் அரைஇறுதியில் ஆஸ்திரேலியாவுடன் சமன் (டை) ஆகி வெளியேறியது. அதைத் தொடர்ந்து 2003-ம் ஆண்டு முதல் சுற்றோடு நடையை கட்டிய அந்த அணி 2007-ம் ஆண்டு அரைஇறுதியில் ஆஸ்திரேலியாவிடமும், 2011-ம் ஆண்டு கால்இறுதியில் நியூசிலாந்திடமும் மண்ணை கவ்வியது.
இதனால் தென்ஆப்பிரிக்காவை ‘நாக்-அவுட் சுற்றில் கோட்டை விடும்’ அணி என்று அடிக்கடி கிண்டல் செய்வார்கள். நீண்ட காலமாக நிலவிய இந்த மோசமான அவப்பெயருக்கு நேற்றைய இலங்கைக்கு எதிரான கால்இறுதியில் வெற்றி பெற்றதன் மூலம் தென்ஆப்பிரிக்கா முடிவு கட்டியது. எந்த இடத்தில் முதல்முறையாக நாக்-அவுட்டில் தோற்றார்களோ அதே இடத்தில் விமோசனம் பெற்றிருக்கிறார்கள்.
அனைத்து புத்தகங்களும் வாங்க அணுகவும்:- பூம்புகார் அங்காடி