மும்பை:-ஹிருத்திக் ரோஷன் – கேத்ரினா கைப் ஜோடியாக இணைந்து நடித்த படம் ‘பேங் பேங்’. இப்படத்தை சித்தார்த் ஆனந்த் இயக்கியிருந்தார். இப்படம் கடந்த வாரம் உலகமெங்கும் ரிலீசானது. இந்தியில் உருவாக்கப்பட்ட இப்படம் தமிழிலும் டப் செய்யப்பட்டு தமிழ்நாட்டிலும் வெளியிடப்பட்டது.
இப்படம் முதல் 5 நாட்களில் உள்நாட்டில் மட்டுமே ரூ.156 கோடி வசூல் ஈட்டி சாதனை படைத்துள்ளது. வெளிநாடுகளில் ரூ 45.01 கோடியை இந்தப் படம் குவித்துள்ளது. 5 நாட்களில் இவ்வளவு தொகை குவித்தது ஒரு சாதனையாகப் பார்க்கப்படுகிறது.சர்வதேச பாக்ஸ் ஆபீஸைப் பொருத்தவரை இந்தியப் படங்களின் அத்தனை சாதனைகளையும் முறியடித்துள்ளது இப்படம்.
மத்திய கிழக்கு, பிரிட்டன், அமெரிக்கா, ஆஸ்திரேலியா, பாகிஸ்தான் போன்ற நாடுகளில் இப்படத்துக்கு மிகப் பெரிய ஓபனிங் கிடைத்துள்ளது. மற்ற இந்திப் படங்களை காட்டிலும் பேங் பேங் படம் எடுத்த எடுப்பிலேயே அதிக வசூல் சாதனைகளை படைத்து வருகிறது.
அனைத்து புத்தகங்களும் வாங்க அணுகவும்:- பூம்புகார் அங்காடி