புதுடெல்லி:-நடிகர் அமிதாப்பச்சன் தனியார் தொலைக்காட்சியில் ‘கான் பனேகா குரோர்பதி’ என்ற ரியாலிட்டி ஷோ நடத்தி வருகிறார்.இதில் அமிதாப்பச்சன் கேட்கும் கேள்விகளுக்கு பதில் அளித்து முன்னேறிச் செல்பவர்களுக்கு முதல் பரிசாக ரூ.7 கோடி வழங்கப்படும் என்று அறிவிக்கப்பட்டது.
14 ஆண்டுகளாக நடந்து வரும் இந்த நிகழ்ச்சியில் இதுவரை யாருமே ரூ.7 கோடி பரிசுத் தொகையை வென்றது இல்லை. சமீபத்தில் முதல் முறையாக டெல்லியைச் சேர்ந்த சகோதரர்களான அசின், சர்தாக், ஜோடி ரூ.7 கோடி பரிசுத் தொகையை வென்று சாதனை படைத்து இருக்கிறார்கள்.
14 கேள்விகளுக்கும் 4 லைப்லைன்கள் உதவியுடன் சரியான பதிலை அளித்து பரிசு வென்றனர். சகோதரர்களில் அசின் ஒரு நிறுவனத்தில் மார்க்கெட்டிங் மானேஜராக பணிபுரிகிறார். சர்தாக் கல்லூரியில் படிக்கிறார். இவர்கள் ரூ.7 கோடி பரிசு வென்றதை அமிதாப்பச்சன் தனது டுவிட்டரில் படத்துடன் தகவல் வெளியிட்டுள்ளார்.
அனைத்து புத்தகங்களும் வாங்க அணுகவும்:- பூம்புகார் அங்காடி