கார்த்தி சிறுத்தை படத்தில் இரட்டை வேடத்தில் நடித்தார். அதில் இவருக்கு ஜோடியாக தமன்னா நடித்திருந்தார். இப்படத்தை சிவா இயக்கியிருந்தார். ரசிகர்கள் மத்தியில் பெரும் வரவேற்பு பெற்ற இப்படத்திற்கு பிறகு கார்த்தி பல படங்களில் நடித்துள்ளார். இருந்தாலும் மீண்டும் இரட்டை வேடத்தில் நடிக்க ஆசைப்பட்ட கார்த்திக்கு தற்போது இரட்டை வேடத்தில் நடிப்பதற்கு வாய்ப்பு வந்துள்ளது.
இப்படத்தை ‘ரௌத்திரம்’, ‘இதற்குதானே ஆசைப்பட்டாய் பாலகுமாரா’ ஆகிய படங்களை இயக்கிய கோகுல் இயக்குகிறார். இதில் கார்த்திக்கு இரட்டை வேடம். கார்த்திக்கு ஜோடியாக சுருதிஹாசன் நடிக்கவுள்ளார். காமெடி படமாக உருவாகவிருக்கும் இப்படத்தில் வடிவேலு நீண்ட இடைவெளிக்கு பிறகு காமெடியனாக நடிக்கவுள்ளார்.
இப்படத்திற்கு ‘கஷ்மோரா’ என்று பெயரிடப்பட்டுள்ளது. இதற்கு வெல்ல முடியாது என்று பொருளாகும். கார்த்தி நடிப்பில் உருவாகியுள்ள ‘மெட்ராஸ்’ படம் விரைவில் வெளியாகவுள்ளது.
அனைத்து புத்தகங்களும் வாங்க அணுகவும்:- பூம்புகார் அங்காடி