ஒன்பது வருடத்திற்கு முன்பு வெளியான படம் ‘சண்டக்கோழி’ . லிங்குசாமி இயக்கத்தில் விஷால், ராஜ்கிரண், கஞ்சா கருப்பு, மீரா ஜாஸ்மின், மோனிகா நடித்த இப்படத்துக்கு நல்ல வரவேற்பு கிடைத்தது.
படமும் வசூல் ரீதியாக பெரும் வெற்றி பெற்றது. இதனால் சென்டிமென்ட் அடிப்படையில் ‘சண்டக்கோழி’ கிளைமாக்ஸ் எடுத்த அதே இடத்தில் ‘பூஜை’ படத்தின் சண்டைக் காட்சியை உருவாக்கி உள்ளனர் .விஷால் ஃபிலிம் ஃபேக்டரி தயாரிப்பில் ஹரி இயக்கி வரும் படம் ‘பூஜை’. விஷாலுக்கு ஜோடியாக ஸ்ருதிஹாசன் நடிக்கிறார்.
இப்படத்தில் ஒரு சண்டைக் காட்சியை காரைக்குடியில் எடுத்துள்ளனர். இதே இடத்தில் தான் ‘சண்டக்கோழி’ படத்தின் கிளைமாக்ஸ் சண்டைக் காட்சி எடுக்கப்பட்டது. யுவன் இசையில் உருவாகி வரும் ‘பூஜை’ படம் தீபாவளிக்கு ரிலீஸ் ஆகிறது.
அனைத்து புத்தகங்களும் வாங்க அணுகவும்:- பூம்புகார் அங்காடி