பறக்கும் தட்டில் இருந்து எட்டி பார்க்கும் வேற்று கிரகவாசி யூ டியூபில் வெளியான பரபரப்பு வீடியோ!…

தைவான்:-தைவான் நாட்டை சேர்ந்தவர் ஸ்காட் வேரிங். இவர் கடந்த வாரம் யூ டியூபில் ஒரு வீடியோவை வெளியிட்டு உள்ளார். அதில், வேற்று கிரகவாசி ஒன்று தனது தலையை உயர்த்தி சுற்றி பார்ப்பது தெரிகிறது. வேற்று கிரகவாசிகளை குறித்த தேடலில் ஈடுபட்டு வருபவர் வேரிங்.

கூகுள் எர்த்தில் அவர் பார்த்தவற்றை குறித்து வீடியோவில் கூறும்போது, நேற்று இரவு நான் சற்று கவனமுடன் உற்று பார்த்தேன். அது வழக்கமான வேற்று கிரகவாசி போன்று இல்லை. உருண்டையான தலை கொண்ட ஒரு பொருள் இருந்தது.உயரமான பகுதியில் இருந்து அது வெளியே நீட்டி கொண்டு இருந்தது. அது பார்ப்பதற்கு தலை போன்று எனக்கு தோன்றியது.

அது பயணம் செய்த பறக்கும் தட்டின் உள்ளே இருந்து தனது தலையை உயர்த்துவது போன்று தெரிந்தது. அந்த வடிவம் பெரிய மண்டையோடு போன்று இருந்தது. ஒரு பெரிய தலை சிறிய கன்ன பகுதி ஆகியவற்றை அது கொண்டு இருந்தது என்று கூறியுள்ள அவர் அதனை பார்ப்பதற்கான வழிகாட்டி முறைகளையும் தெரிவித்துள்ளார்.