காரைக்காலில் கத்திமுனையில் பெண் கற்பழிப்பு!…

காரைக்கால்:-காரைக்காலில் உள்ள கல்லூரி கேன்டீனில் சித்ரா (பெயர் மாற்றப்பட்டுள்ளது) என்ற பெண் வேலை பார்த்து வந்தார். இவருக்கு திருமணமாகி 2 குழந்தைகள் உள்ளன. ஆனால் கணவனை பிரிந்து தனியாக வாழ்ந்து வந்தார்.அதே கல்லூரியில் இறுதி ஆண்டு படிக்கும் மாணவருக்கும், சித்ராவுக்கும் இடையே காதல் ஏற்பட்டது. இருவரும் அடிக்கடி தனியாக சந்தித்து பேசி வந்தனர்.

நேற்று மதியம் அவர்கள் காரைக்கால் கடற்கரைக்கு வந்தார்கள். அங்குள்ள நடைபாதையில் அமர்ந்து பேசி கொண்டிருந்தனர்.அந்த நேரத்தில் மோட்டார் சைக்கிளில் 3 வாலிபர்கள் அங்கு வந்தனர். அவர்கள் காதலர்களிடம் சென்று தாங்கள் போலீசார் உங்களை விசாரிக்க வேண்டும் என்று கூறி அழைத்தனர். சிறிது தூரம் சென்றதும் சித்ராவுடன் வந்த வாலிபரை கத்தியை காட்டி மிரட்டி விரட்டினார்கள்.பின்னர் சித்ராவை மட்டும் இழுத்து கொண்டு அருகில் உள்ள பாலத்துக்கு அடியில் சென்றனர். அங்கு 2 வாலிபர்கள் பாலத்துக்கு மேலே நின்று கொண்டிருக்க ஒருவர் மட்டும் சென்று சித்ராவை கற்பழித்தார்.

பின்னர் மற்றொரு வாலிபர் அவரை கற்பழிக்க முயற்சித்தார். இதனால் சித்ரா அலறினார்.இந்த சத்தம் கேட்டு அந்த பகுதியில் உள்ள ஒருவர் கடலோர படை போலீசுக்கு தகவல் கொடுத்தார். அவர்கள் விரைந்து சென்று 3 பேரையும் பிடிக்க முயன்றனர். 2 பேர் மட்டும் அவர்களிடம் சிக்கினார்கள். ஒருவர் தப்பி ஓடிவிட்டார்.பிடிபட்ட இருவரிடமும் போலீசார் விசாரணை நடத்தினார்கள்.தப்பி ஓடியவரை போலீசார் தீவிரமாக தேடி வருகிறார்கள். சித்ராவுக்கு தொடர்ந்து காரைக்கால் ஆஸ்பத்திரியில் சிகிச்சை அளிக்கப்பட்டு வருகிறது.