கோல் போட்ட மகிழ்ச்சியில் உயிரிழந்த கால்பந்து வீரர்…

இங்கிலாந்து:-இங்கிலாந்தில் உள்ள Manchester என்ற இடத்தில் உள்ள ஒரு கால்பந்து மைதானத்தில் Matthew Burgess, என்ற 20 வயது இளைஞர் உள்ளூர் போட்டி ஒன்றில் தனது நண்பர்களுடன் கால்பந்து விளையாடிக்கொண்டிருந்தார். அப்போது அவரது நண்பர்கள் கடத்திய பந்தை மிக லாவகமாக விளையாடி கோல் போட்டார். கோல் போட்ட மகிழ்ச்சியில் துள்ளி குதித்த Matthew Burgess, க்கு திடீரென நெஞ்சு வலி ஏற்பட்டது. அதனால் மைதானத்திலேயே நினைவிழந்தார்.

Matthew Burgess, நண்பர்கள் அவரை உடனடியாக மருத்துவமனைக்கு எடுத்து சென்றனர். மருத்துவமனையில் அவரை பரிசோதித்த பின் அவர் ஏற்கனவே இறந்துவிட்டதாக தெரிவித்தனர். பின்னர்தான் அவர் மைதானத்திலேயே இறந்துவிட்டது தெரிய வந்தது. Matthew Burgess, மரணம் அடைந்த செய்தியை கேட்டதும் அவரது தாய் Sara , பாட்டி Hilda Gregory மற்றும் அவரது சகோதரி Amy ஆகியோர் கதறி அழுதனர்.

சரியாக ஏழு வருடங்களுக்கு முன் இதே நாளில்தான் Matthew Burgess, தந்தையும் நெஞ்சு வலியால் மரணம் அடைந்ததாக அவரது தாய் Sara செய்தியாளர்களிடம் தெரிவித்தார். இவ்விதம் திடீரென எதிர்பாராமல் ஏற்படும் மரணத்திற்கு sudden adult death syndrome (SADS) என்று மருத்துவத்துறையில் கூறுவார்கள்.