ராகவா லாரன்ஸ் இயக்கி நடித்த “முனி 2 காஞ்சனா” படத்தில் முக்கியத்துவம் வாய்ந்த “திருநங்கை” வேடத்தில் சரத்குமார் நடித்திருந்தார். எந்தவித இமேஜூம் பார்க்காமல் அவர் நடித்திருந்த அந்த வேடம் அவரை பெரிய அளவில் பேச வைத்தது.
தற்போது, முனி-3 படமான கங்காவை தற்போது இயக்கி நடித்துக்கொண்டிருக்கிறார் லாரன்ஸ். முனி படத்தில் ராஜ்கிரணை முக்கிய வேடத்தில் நடிக்க வைத்தவர், “முனி-2″வில் சரத்குமாரை நடிக்க வைத்தார். ஆனால், மூன்றாம் பாகத்தில் தானே முக்கிய வேடத்திலும் நடிக்கிறார்.
முனி-2 காஞ்சனாவை இந்தியில் ரீமேக் செய்கிறார் லாரன்ஸ். அப்படத்தில் தமிழில் சரத்குமார் நடித்த “திருநங்கை” வேடத்தில் நடிக்க சில இந்தி நடிகர்களிடம் பேச்சுவார்த்தை நடத்தினார். ஆனால், இமேஜ் என்ற வட்டத்தில் சிக்கியிருக்கும் அவர்கள், அந்த வேடத்தில் நடிக்க மறுத்துவிட்டார்கள் .
அதனால், மறுபடியும் அந்த வாய்ப்பு சரத்குமாரையே தேடி வந்திருக்கிறது. மறுபடியும் “திருநங்கையாக” நடிக்க தன்னை தயார்படுத்தப்போகிறாராம்.