வடிவேலுவை முந்தப் போகும் சந்தானம்

தமிழ் திரையுலகில் நகைச்சுவை நடிகர்களில் வடிவேலுக்கு அடுத்தபடியாக சந்தானம் இருக்கிறார். யங் ஹீரோ முதல் சூப்பர் ஸ்டார் வரை நடித்துள்ள சந்தானத்திற்கு சுக்கிரன் உச்சத்தில் உள்ளார்.
அவர் சமீபத்தில் நடித்த வெளியான படங்கள் ஹிட் ஆகி இருப்பதால், திரைப்பட தயாரிப்பாளர்களும் வடிவேலுக்கு பதில் சந்தானத்தை புக் செய்து வருகின்றனர். இதற்கு இன்னொரு காரணம் இருக்கு.. தமிழ் திரையுலகில் அதிக சம்பளம் வாங்கும் நகைச்சுவை நடிகர் வடிவேலு.

ஒரு நாள் சம்பளமாக ஏழிலிருந்து பத்து லட்சம் வாங்குகிறார். வடிவேலு நடிக்கும் படங்களும் ஹிட் ஆகி வருகிறது. ஆனால் சந்தானம் வடிவேலுவை விட 2 லட்சம் கம்மியாக வாங்குவதால் தான் தயாரிப்பாளர்கள் சந்தானத்தை புக் செய்து வருவதாக பேச்சுக்கள் அடிப்பட்டு வருகின்றன.

வடிவேலு இந்த இடத்தை அடைய எடுத்துக் கொண்டது பல வருடங்கள். சந்தானம் சில வருடங்களிலேயே ஐந்து லட்சத்தை எட்டிப் பிடித்திருக்கிறார். மேலும் வடிவேலுவைவிட இப்போது இவர்தான் அதிகப்படங்களில் நடித்து வருவதாக கோடம்பாக்க பட்சி சொல்கிறது.