பொறுப்புடன் விளையாடிய கேப்டன் மிஸ்பா தனது அரை சதத்தை நிறைவு செய்ய, அவருடன் சாகித் அப்ரிடி களத்தில் இருந்தார். 41-வது ஓவரில் 5 விக்கெட் இழப்பிற்கு 197 ரன்கள் எடுத்திருந்த நிலையில், மீண்டும் மழை பெய்ததால் ஆட்டம் பாதிக்கப்பட்டது. இவ்வாறு அடுத்தடுத்து மழையால் ஆட்டம் பாதிக்கப்பட்டதால், போட்டியின் ஓவர்கள் 47 ஆக குறைக்கப்பட்டது. தொடர்ந்து ஆடிய அப்ரிடி 22 ரன்களுக்கு ஆட்டமிழந்தார். மிஸ்பா 56 ரன்களிலும் விக்கெட்டை இழந்தார். மற்றவர்கள் வந்த வேகத்தில் பெவிலியன் திரும்ப, பாகிஸ்தான் அணி 46.4 ஓவர்களில் 222 ரன்களுக்கு ஆல் அவுட் ஆனது.
தென் ஆப்பிரிக்கா தரப்பில் ஸ்டெயின் 3 விக்கெட்டுகளை கைப்பற்றினார். அப்போட், மோர்கல் ஆகியோர் தலா 2 விக்கெட்டுகள் எடுத்தனர். இதையடுத்து டக்வொர்த் லெவிஸ் விதிப்படி தென் ஆப்பிரிக்க அணி 47 ஓவர்களில் 232 ரன்கள் எடுக்க வேண்டும். இந்த இலக்கை நோக்கி தென் ஆப்பிரிக்க வீரர்கள் விளையாடி வருகின்றனர்.
அனைத்து புத்தகங்களும் வாங்க அணுகவும்:- பூம்புகார் அங்காடி