‘புலி’ படத்தின் அடுத்தகட்ட படப்பிடிப்பு மைசூரில் நடைபெற இருக்கிறது. மைசூரில் மகாராஜா அரண்மனையை அடுத்து சுற்றுலாப் பயணிகளை பெரிதும் கவர்ந்த இடம் லலிதா மஹால் என்ற பிரமாண்ட அரண்மனைதான். ‘புலி’ படத்தின் படப்பிடிப்பும் இந்த அரண்மனையில் நடைபெறவுள்ளதாக தகவல்கள் வெளிவந்துள்ளன. மன்னர் காலத்துக் கதையும் இடம்பெறும் இந்தப் படத்தில் விஜய், ஸ்ருதிஹாசன் சம்பந்தப்பட்ட காட்சிகளை லலிதா மஹாலில் படமாக்க சிம்புதேவன் ஸ்பெஷல் அனுமதி பெற்றுள்ளார் என்றும், இம்மாதம் முழுக்க இங்கு படப்பிடிப்பு நடைபெறும் என்றும் படக்குழுவினர் தெரிவித்துள்ளனர்.
இந்த அரண்மனையில் முதன்முதலாக சிவாஜி கணேசன், வாணிஸ்ரீ நடித்த ‘வசந்த மாளிகை‘ திரைப்படத்தின் படப்பிடிப்பு நடைபெற்றது. அதன்பின்னர் பல கோலிவுட், டோலிவுட் படங்களின் படப்பிடிப்புகள் இந்த அரண்மனையில் நடைபெற்றன. சமீபத்தில் ரிலீஸான ரஜினியின் ‘லிங்கா‘ படத்திலும் இந்த அரண்மனை இடம்பெற்றுள்ளது. மொத்தத்தில் மைசூர் அரண்மனையில் இளையதளபதி ‘புலி’யாக வலம் வருகிறார்.
அனைத்து புத்தகங்களும் வாங்க அணுகவும்:- பூம்புகார் அங்காடி