மும்பை:-பாலிவுட் நடிகர் அமீர்கான் நடிப்பில் கடந்த கிறிஸ்துமஸ் தினத்தன்று வெளியான பி.கே. திரைப்படம், இரு வாரங்களில் உலகம் முழுவதும் 544 கோடி ரூபாய் அளவுக்கு வசூலை வாரி குவித்துள்ளது. இந்தியாவில் மட்டும் இப்படத்தின் வசூல் 370 கோடி ரூபாயை தாண்டியுள்ளது. இதன் மூலம் அமீர்கான் நடிப்பில் வெளியான தூம் 3 படத்தில் வசூலை இப்படம் முறியடித்துள்ளது.
அவரது நடிப்பில் வெளியான தூம் 3 திரைப்படம் உலகம் முழுவதும் 542 கோடி ரூபாய் வசூலாக குவித்திருந்த நிலையில் இப்படம் அச்சாதனையை முறியடித்துள்ளது. அடுத்து வர உள்ள வாரங்களில் பெரிய திரைப்படங்கள் வெளிவராத நிலையில், பி.கே. திரைப்படம் 600 கோடி ரூபாய் அளவுக்கு வசூலை குவித்து வரலாற்று சாதனை படைக்கும் என்று எதிர்பார்க்கப்படுகிறது. குறிப்பாக அமெரிக்கா மற்றும் கனடாவில் இப்படத்துக்கு அமோக வரவேற்பு காணப்படுகிறது.
அனைத்து புத்தகங்களும் வாங்க அணுகவும்:- பூம்புகார் அங்காடி