தீபாவளியன்று கத்தி படம் கேரளாவில் 120 திரையரங்குகளில் வெளியிடப்பட்டு, 1 கோடி ரூபாய் கலெக்ஷன் செய்ததாகவும், ஆனால் இரண்டாம் நாளான வியாழக்கிழமை 50 லட்சத்திற்கும் குறைவாகவே வசூல் செய்திருப்பதாகவும், இதனால் இப்படம் கிட்டத்தட்ட 1 கோடி ரூபாய் நஷ்டம் ஏற்படுத்த வாய்ப்பிருப்பதாகவும் கூறுகிறார்கள். கத்தி திரைப்படத்தின் கேரள வெளியீட்டு உரிமையை சுமார் 4.5 கோடி ரூபாய்க்கு விற்கப்பட்டது. வழக்கமாக பெரிய ஹீரோக்களுடைய தமிழ் படங்களின் கேரள உரிமை 2 கோடியிலிருந்து 2.5 கோடி வரைக்கும்தான் விற்கப்படும்.
ஆனால், சமீபகாலமாக இந்த தொகை 4 கோடிக்கும் அதிகமாகிவிட்டது. சூர்யா நடித்து மிகப்பெரிய தோல்வியடைந்த அஞ்சான் படத்தின் கேரளா ரைட்ஸ் 4 கோடிக்கும் மேல் விலைபோனது. அப்படத்தை வாங்கியவருக்கு மிகப்பெரிய நஷ்டம். அஞ்சான் படத்தை வாங்கியவருக்கு ஏற்பட்டதைப் போலவே கத்தி படத்தை வாங்கியவருக்கும் நஷ்டம் வரும் என்பதே தற்போதைய நிலவரம்.
அனைத்து புத்தகங்களும் வாங்க அணுகவும்:- பூம்புகார் அங்காடி