அடிப்படையிலேயே இசையார்வமும், நடனத்தின் மீது ஆர்வம் கொண்டவரான ஸ்ரீசாந்த் திரைப்படங்களுக்கு இசையமைக்கும் முயற்சியில் இறங்கியிருக்கிறார்.தமிழ், தெலுங்கில் தயாராகும் ‘அன்புள்ள அழகே’ என்ற படத்துக்கு இசையமைத்து சிறு கதாபாத்திரத்திலும் நடிக்கிறார். கடந்த சில மாதங்களுக்கு முன்பே இப்படத்திற்கு ஸ்ரீசாந்த் இசையமைப்பது பற்றி செய்தி வெளியானது. அந்தப் படத்திற்கு அவர் ஏழு பாடல்களுக்கு இசையமைத்திருக்கிறாராம்.மலையாளத்திலும் ‘மழவில்லினாட்டம் வரே’ என்ற படத்தில் சிறப்புத் தோற்றத்தில் நடித்தார். இருந்தாலும் நடிப்பில் அவருக்கு ஆர்வம் இல்லையாம்.
திரைப்படங்களுக்கு இசையமைக்கும் வாய்ப்பு கொடுத்தால் தன்னால் சிறப்பாக இசையமைக்க முடியும் என்று சொல்லி வருகிறாராம். தற்போது தெலுங்குப் படங்களுக்கும் இசையமைக்கும் முயற்சியில் இறங்கியிருக்கிறார். தெலுங்குத் திரையுலகின் பிரபலங்களான தயாரிப்பாளர் சுரேஷ் பாபு, இயக்குனர்கள் பூரி ஜெகன்னாத், குணசேகர் ஆகியோரைச் சந்தித்து அவர்களுடைய அடுத்த படங்களுக்கு இசையமைக்கும் வாய்ப்பைக் கேட்டிருக்கிறாராம். அவர்களில் யாராவது ஒருவர் வாய்ப்புக் கொடுத்தாலும் தெலுங்குத் திரையுலகில் ஜொலித்துவிடலாம் என நம்புகிறாராம்.
அனைத்து புத்தகங்களும் வாங்க அணுகவும்:- பூம்புகார் அங்காடி