கடந்த திங்கட்கிழமை அன்று ஆஷிக்கிற்கு அறுவை சிகிச்சை மேற்கொள்ளப்பட்ட போது ஏழு மணி நேரம் நடைபெற்ற அந்த சிகிச்சையில் மருத்துவர்கள் மிகப் பெரிய ஆச்சரியத்தை சந்தித்தனர். வீக்கம் காணப்பட்ட பகுதியில் இருந்து சிறிய அளவிலான பற்களை மருத்துவர்கள் நீக்கத் தொடங்கினர். கடுகு அளவிலிருந்து சிறிய பளிங்கு அளவிலான பலதரப்பட்ட அளவில் மொத்தம் 232 பற்கள் அவனது கடைவாய்ப் பகுதியில் இருந்து நீக்கப்பட்டன என்று பல் மருத்துவப்பிரிவின் தலைவர் சுனந்தா திவாரே பல்வங்கர் தெரிவித்தார்.
இவை அனைத்தும் சாதாரண பற்கள் போன்ற வளர்ச்சியைக் கொண்டிருந்ததையும், ஒரே பல்லில் இருந்து வளர்ச்சி பெற்றதையும் குறிப்பிட்ட சுனந்தா, மருத்துவ நிகழ்வுகளில் இந்த செய்கை மிகவும் அசாதாரணமான ஒன்றாகும் என்றும் கூறினார்.
அனைத்து புத்தகங்களும் வாங்க அணுகவும்:- பூம்புகார் அங்காடி