இதில் ஏற்பட்டுள்ள இடையூறு காரணமாக சர்வதேச சந்தையில் கச்சா எண்ணை விலை உயரத் தொடங்கியுள்ளது. தற்போது ஒரு பேரல் கச்சா எண்ணை விலை 120 டாலர் என்ற அளவில் உள்ளது. இது 125 டாலராக உயரும் என்று கூறப்படுகிறது.இதன் காரணமாக எல்லா நாடுகளிலும் அரசுக்கு சுமையும், பொது மக்களை பாதிக்கும் அத்தியாவசியப் பொருட்கள் விலை உயர்வும் ஏற்படும் அபாயம் ஏற்பட்டுள்ளது.
சர்வதேச சந்தையில் ஒரு பேரல் கச்சா எண்ணை விலை ஒரு டாலர் உயர்ந்தாலே இந்தியாவில் மத்திய அரசின் மானியம் ரூ.7500 கோடி கூடுதலாகி விடும். அந்த வகையில் ஈராக் உள்நாட்டு போரால் இந்திய அரசுக்கு ரூ.25 ஆயிரம் கோடி வரை இழப்பு ஏற்பட்டுள்ளதாக பொருளாதார நிபுணர்கள் கணித்துள்ளனர்.
மேலும் பெட்ரோலியம் பொருட்களுக்கான மானிய சுமையும் அதிகரிக்கும் அபாயம் ஏற்பட்டுள்ளது. கடந்த 2008–ம் ஆண்டு ஒரு பேரல் கச்சா எண்ணை விலை 147 அமெரிக்க டாலராக உயர்ந்தது.ஈராக் உள்நாட்டு போர் காரணமாக மீண்டும் அதே அளவுக்கு கச்சா எண்ணை விலை உயரும் என்று தெரிகிறது. இந்தியாவில் பொருளாதார வளர்ச்சிக்காக பிரதமர் மோடி தலைமையிலான மத்திய அரசு திட்டமிட்டு பட்ஜெட் தயாரித்து வரும் நிலையில் சர்வதேச பொருளாதாரத்தில் ஏற்பட்டுள்ள மாற்றம் மத்திய நிதி அமைச்சகத்தின் முயற்சிகளுக்கு இடையூறாக மாறியுள்ளது.
அனைத்து புத்தகங்களும் வாங்க அணுகவும்:- பூம்புகார் அங்காடி