ரஜினியுடன் ஜோடி சேரும் அனுஷ்கா!…

சென்னை:-கவுதம் மேனன் இயக்கும் அஜீத் படத்திற்கு கால்ஷீட் கேட்டபோது பாஹுபாலி மற்றும் ருத்ரம்மாதேவி படத்திற்கு அதிகளவு கால்ஷீட் கொடுத்துவிட்டதால், கவுதம் மேனன் கேட்ட தேதிகளை அனுஷ்காவால் கொடுக்க முடியவில்லை. எனவே அஜீத் பட வாய்ப்பை இழந்தார் அனுஷ்கா.

இதனால் பெரும் கவலையில் இருந்த அனுஷ்காவிற்கு தற்போது ஜாக்பாட் அடித்துள்ளது. ஆமாம் கே.எஸ்.ரவிகுமார் ரஜினியை வைத்து எடுக்கப்போகும் படையப்பா பார்ட் 2 படத்தின் ஹீரோயின் அனுஷ்காதான் என்பது தற்போது முடிவாகியுள்ளது.
அஜீத் படத்திற்கு அட்ஜெஸ்ட் செய்து கால்ஷீட் கொடுத்திருந்தால் ரஜினி படத்தை மிஸ் செய்ய வேண்டிய நிலை வநதிருக்கும் என்றும், அஜீத் படத்தை மிஸ் செய்ததால்தான் ரஜினியுடன் நடிக்கும் இந்த அதிர்ஷ்ட வாய்ப்பு கிடைத்ததாகவும் அனுஷ்கா வட்டாரங்கள் தெரிவிக்கின்றன.

சமீபத்தில் ஐதராபாத் சென்ற கே.எஸ்.ரவிகுமார், அனுஷ்காவிடம் பேசி சம்மதம் பெற்று, அவரது கால்ஷீட்டையும் பெற்றுவிட்டார் என கூறப்படுகிறது. இந்த படத்தின் முதல் விளம்பரம் வரும் ஏப்ரல் 14ஆம் தேதி வெளிவரும் என்றும், அந்த விளம்பரத்தில் ரஜினியோடு அனுஷ்கா இருக்கும் சூப்பர் ஸ்டில் ஒன்றை வெளியிட கே.எஸ்.ரவிகுமார் முடிவு செய்திருப்பதாகவும் கூறப்படுகிறது. வழக்கமாக ரஜினி படங்களுக்கு இசையமைக்கும் ஏ.ஆர்.ரஹ்மான் இந்த படத்துக்கும் இசையமைக்க உள்ளார்.