பாலு மகேந்திராவின் பாசறையில் இருந்து வெளிவந்த இயக்குநர் வெற்றிமாறன், தான் ஒரு சிறந்த இயக்குநர் என்பதைத் தனது முதல் படமான ‘பொல்லாதவன்’ படத்திலேயே நிரூபித்தார்.
இதையடுத்து ‘ஆடுகளம்’ மூலம் அடுத்த வெற்றியை ருசித்துத் தனது பெயரை தக்க வைத்துக்கொள்ள வெற்றிமாறன் தயாராகி வருகிறார்.
கிராமத்துப் பின்னணியில் தனுஷ் கதாநாயகனாக நடிக்கும் இப்படம் வரும் டிசம்பரில் வெளிவரும் எனக் கூறப்பட்டது. இந்நிலையில் இப்படம் பொங்கலுக்கு வெளியாகும் என இதனை விநியோகிக்கும் சன் பிக்சர்ஸ் அதிகாரப்பூர்வமாக அறிவித்துள்ளது.
தீபாவளிப் படங்கள் இன்னமும் களத்தில் இருப்பதாலும் ‘எந்திரன்’ பல இடங்களில் ஓடிக்கொண்டிருப்பதாலும் அவற்றுடன் ‘ஆடுகளத்தை’ கலக்க சன் பிக்சர்ஸ் விரும்பவில்லை. மேலும் தனுஷின் ‘உத்தமபுத்திரன்’ வெளிவந்து சில நாட்கள் தான் ஆகியிருக்கிறது என்பதையும் கருத்தில் கொண்டு இப்படத்தை பொங்கலன்று வெளியிட முடிவு செய்யப்பட்டுள்ளது. பொங்கலன்று ‘ஜல்லிக்கட்டு’ நடக்கிறதோ, இல்லையோ, ‘ஆடுகளம்’ மட்டும் நிச்சயம் தயாராக இருக்கும்.
அனைத்து புத்தகங்களும் வாங்க அணுகவும்:- பூம்புகார் அங்காடி