தடுக்கி விழுந்தாலும் தமன்னா, தாண்டி குதிச்சாலும் தமன்னா என்று எல்லா நேரத்திலும் தமன மந்திரம் வாசித்துக் கொண்டிருந்த கோடம்பாக்கத்தில் ஒரு அதிரடி திருப்பம். தமன்ஸ் நடித்துக் கொண்டிருந்த ஒரு படத்திலிருந்து அவரை நீக்கியிருக்கிறார்கள்.
த்ரிஷா, நயன்தாராக்கள் ஏற்படுத்திய வெற்றிடத்தை நிரப்ப திடீரென்று உள்ளே வந்தவர்தான் தமன்னா. அதன்பின் அதிர்ஷ்டம் அவரை தாறுமாறான வேகத்தில் செலுத்திக் கொண்டிருக்க, ‘இதுக்கு ஒரு ஸ்பீட் பிரேக்கர் இல்லாமே போச்சே…’ என்று மனசுக்குள் வெந்து கொண்டிருந்தார்கள் சிலர். இதோ வெந்த புண்ணுல வெல்லத்தை தடவியிருக்கிறது விதி.
லிங்குசாமி தயாரித்து இயக்கும் வேட்டை படத்தில் ஆர்யாவுக்கு ஜோடியாக தமன்னாவைதான் ஒப்பந்தம் செய்திருந்தார்கள். கடந்த சில வாரங்களாக ஷூட்டிங் நடந்து கொண்டிருக்கிறது. ஆனால் கொடுத்த தேதியில் ஷட்டிங் வருவதேயில்லையாம் தமன்னா. இவரது கால்ஷீட் சொதப்பலால் போட்டு வைத்த திட்டமெல்லாம் திடீர் திடீரென்று மாறுவதால், பெரும் ஆத்திரமுற்றாராம் லிங்குசாமி.
உடனடியாக கால்ஷீட் கிடைக்கும் என்றால் அமலாவை அழைக்கலாமே என்று லிங்குசாமி கருத, பெரிய இயக்குனர்கள் மூச்சு விட்டால் கூட அது மேனேஜர்களுக்கு கேட்குமே! படக்கென்று கமிட் ஆகிவிட்டாராம் அமலா. ஹம், ஒரு வெற்றிடத்தை இன்னொரு வெற்றிடம் நிரப்புகிறது.
அனைத்து புத்தகங்களும் வாங்க அணுகவும்:- பூம்புகார் அங்காடி