‘கஜினி’ பட வெற்றி போல் மீண்டும் ஒரு வெற்றி ஃபார்முலாவுடன் ஏ.ஆர். முருகதாஸ் – சூர்யா கூட்டணி அதிரடி வேகம் காட்டிவரும் படம் ‘ஏழாம் அறிவு’. சர்க்கஸ் கலைஞனாக சூர்யா திறமைகாட்டி வரும் இந்தப் படத்தில் சில நவீன தொழில் நுட்பத்தையும் கையாள உள்ளனராம்.
டெக்னிக்கல் ரீதியாக உலக தரத்திற்கு தமிழ் சினிமாவை உயர்த்தி இருக்கிறது எந்திரன். தமிழ் சினிமாவிலும் ஹாலிவுட்டை மிஞ்சும் படங்கள் வருவதற்கு பாதை வகுத்துள்ளது எந்திரன். இந்தப் பாதையில் தற்போது பயணிக்க உள்ளதாம் ஏழாம் அறிவு.
எந்திரனில் பயன் படுத்தப்பட்ட டெக்னிக்கல் விஷயங்களை ‘ஏழாம் அறிவு’ படத்திலும் பயன்படுத்த முடிவெடுத்துள்ளாராம் ஏ.ஆர்.முருகதாஸ். இதற்காக எந்திரனில் டெக்னிக்கல் காட்சிகளுக்கு பணியாற்றியது ஸ்டான் வின்ஸ்டன் ஸ்டுடியோவுடன் பேச்சு வார்த்தை நடத்தி ஒப்புதல் வாங்கி இருக்கிறதாம் ஏழாம் அறிவு படக்குழு.
இதன்படி ஹாலிவுட் படங்களுக்கு நிகரான டெக்னிக்கல் காட்சியமைப்புகள் எந்திரனுக்கு பிறகு ஏழாம் அறிவுலும் தொடரவுள்ளது.
‘கஜினி’ மூலம் பாலிவுட் சினிமாவை கலக்கினார் ஏ.ஆர். முருகதாஸ். இப்போது ‘ஏழாம் அறிவு’ மூலம் ஹாலிவுட் தரத்துக்கு படம் தரப்போகிறார் என்பது தமிழ் சினிமாவுக்கு மற்றொரு பெறுமைக்குறிய விஷயம்தான்.
அனைத்து புத்தகங்களும் வாங்க அணுகவும்:- பூம்புகார் அங்காடி