மீண்டும் மோசமான திருமுருகன் காந்தி உடல்நிலை !!

பல்வேறு வழக்குகளில் கைது செய்யப்பட்டுள்ள மே 17 இயக்கத்தின் ஒருங்கிணைப்பாளர் திருமுருகன் காந்தி வேலூர் சிறையில் அடைக்கப்பட்டார் .கடந்த ஆகஸ்ட் 9 ஆம் தேதி ஸ்டெர்லைட் துப்பாக்கி சூடு தொடர்பாக ஐ.நாவில் பேசிவிட்டு வந்த அவரை போலீசார் கைதுசெய்தனர் .அதன்பிறகு அவர் மீது பல்வேறு வழக்குகள் போட்டு போலீசார் சித்தரவதை செய்வதாக அவரது அமைப்பினர் குற்றம் சாட்டினார் .வேலூர் சிறையினில் கடந்த ஒன்றரை மாதமாக உள்ள அவர் பல்வேறு இன்னல்களை சந்தித்து வருவதாக தெரிகிறது.இதுகுறித்து நாம் ஏற்கனவே எழுதியிருந்தோம்.

இந்நிலையில், இரத்த அழுத்தம் குறைவு காரணமாக கடந்த 23ஆம் தேதி சிறையில் மயங்கி விழுந்தார். 24ஆம் தேதி காலை போலீசார் அவரை வேலூர் அருகே உள்ள மருத்துவமனைக்கு அழைத்து சென்று மருத்துவ பரிசோதனை செய்தனர்.அவருக்கு சர்க்கரை மற்றும் ரத்த அழுத்தம் குறைவாக இருப்பதாக தெரிவித்தனர். இன்று காலை திருமுருகன் காந்திக்கு திடீர் உடல்நலக்குறைவு ஏற்பட்டு மீண்டும் மயங்கி விழுந்தார்.அவருக்கு சிறையில் மருத்துவ உதவி அளிக்கப்பட்டு ,வேலூர் மருத்துவமனையில் அனுமதிக்கப்பட்டார்.

அலைச்சல்,சரியான உணவு இல்லாதது,சுகாதாரமின்மையால் அவரது உடல்நிலை மோசமடைந்து வருகிறது,என்று போலீசார் மீது மே 17 இயக்கத்தினர் குற்றம்சாட்டியுள்ளனர்
.