மெல்போர்ன்:-ஒருநாள் போட்டியின் அடிப்படையில் அணிகள் மற்றும் வீரர்களின் தர வரிசைப்பட்டியலை சர்வதேச கிரிக்கெட் கவுன்சில் வெளியிட்டுள்ளது. இதன் படி அணிகள் தர வரிசையில் ஆஸ்திரேலிய அணி (121 புள்ளிகள்) முதலிடத்திலும், இந்திய அணி (116 புள்ளிகள்) 2-வது இடத்திலும் தொடர்ந்து நீடிக்கிறது. தென் ஆப்பிரிக்க அணி (112 புள்ளிகள்) 3-வது இடத்திலும், இலங்கை அணி (108 புள்ளிகள்) 4-வது இடத்திலும், நியூசிலாந்து அணி (107 புள்ளிகள்) 5-வது இடத்திலும் இருக்கின்றன.
பேட்டிங் வரிசையில் தென் ஆப்பிரிக்க வீரர் டிவில்லியர்ஸ் முதலிடத்திலும், இலங்கை வீரர் சங்கக்கரா 2-வது இடத்திலும், ஹசிம் அம்லா 3-வது இடத்தில் உள்ளனர். இந்திய அணி கேப்டன் டோனி 2 இடங்கள் முன்னேற்றம் கண்டு 8-வது இடத்தையும், விராட்கோலி 4-வது இடத்திலும், ஷிகர் தவான் 7-வது இடத்தையும் பெற்றுள்ளனர். பந்து வீச்சு வரிசையில் பாகிஸ்தான் வீரர் சயீத் அஜ்மல் முதலிடத்திலும், தென் ஆப்பிரிக்க வீரர் ஸ்டெயின் 2-வது இடத்திலும் தொடருகின்றனர்.
அனைத்து புத்தகங்களும் வாங்க அணுகவும்:- பூம்புகார் அங்காடி