இதன் அடிப்படையில் இலங்கையின் விக்கெட் கீப்பர் சங்ககரா 6 போட்டிகளில் விளையாடி 496 ரன்கள் குவித்து அதிக ரன்கள் அடித்தவர்கள் பட்டியலில் முதல் இடத்தில் உள்ளார். இதில் 4 சதங்கள் அடங்கும். சங்ககராவிற்கு அடுத்தப்படியாக நியூசிலாந்து கேப்டன் மெக்கல்லம் 433 ரன்கள் குவித்துள்ளார். இதில் இரண்டு சதம் மற்றும் ஒரு அரை சதம் ஆகும். 3-வதாக டி வில்லியர்ஸ் ஒரு சதம், இரண்டு அரை சதத்துடன் 417 ரன்கள் குவித்து 3-வது இடத்தில் உள்ளார். இலங்கை வீரர் தில்ஷன் 395 ரன்களுடன் 4-வது இடத்திலும், வங்காள தேச வீரர் மெக்முதுல்லா 5 போட்டியில் 344 ரன்களுடன் 5-வது இடத்திலும் உள்ளனர். இந்த 5 பேரும் இடம்பெற்றுள்ள அணிகள் கால் இறுதிக்கு தகுதிப் பெற்றுள்ளன. இதனால் அவர்கள் இன்னும் அதிக ரன்கள் அடிக்க வாய்ப்பு உள்ளது.
இவர்களுக்கு பிறகு ஜிம்பாப்வே வில்லியம்ஸ் 339 ரன்களுடன் 6-வது இடத்திலும், இந்திய வீரர் தவான் 337 ரன்களுடன் 7-வது இடத்திலும், பாகிஸ்தான் வீரர் மிஸ்பா உல் ஹக் 316 ரன்னுடன் 8-வது இடத்திலும், ஐக்கிய அரபு எமிரேட்ஸ் வீரர் அன்வர் 311 ரன்களுடன் 9-வது இடத்திலும், தென்ஆப்பிரிக்கா வீரர் அம்லா 307 ரன்களுடன் 10-வது இடத்திலும், உள்ளனர். இந்திய வீரர் கோலி 301 ரன்களுடன் 11-வது இடத்தில் உள்ளார்.
அனைத்து புத்தகங்களும் வாங்க அணுகவும்:- பூம்புகார் அங்காடி