சென்னை:-சிம்புதேவன் இயக்கத்தில் ‘புலி’ படத்தில் நடித்து வரும் நடிகர் விஜய் இந்த படம் முடிந்ததும் அட்லி இயக்கும் படத்தில் நடிக்க இருக்கிறார். விஜய்யின் 59-ஆவது படமான இந்தப் படத்திற்கு ஜி.வி.பிரகாஷ் இசை அமைக்கிறார். விஜய் நடிப்பில், ஜி.வி.பிரகாஷ் முதன் முதலாக இசை அமைத்த படம் ‘தலைவா’.
இப்படத்தில் வரும் ‘வாங்கண்ணா வணக்கங்கண்ணா..’ என்ற பாடலை விஜய்யை பாட வைத்த ஜி.வி.பிராகாஷ் அட்லி இயக்கும் படத்திற்காகவும் விஜய்யை ஒரு பாடல் பாட வைக்க இருக்கிறார்.
இதனை ஜி.வி.பிரகாஷே தெரிவித்துள்ளார். அட்லி முதன் முதலாக இயக்கிய ‘ராஜா ராணி’ படத்திற்கு ஜி.வி.பிரகாஷ் தான் இசை அமைத்திருந்தார். இந்தப் படமும், பாடல்களும் வெற்றி பெற்றதால் அதே கூட்டணி இப்படத்திலும் தொடர்கிறது. அட்லி இயக்கும் இரண்டாவது படமான இது, ஜி.வி.பிரகாஷ் இசை அமைக்கும் 50-ஆவது படம் என்பது குறிப்பிடத்தக்கது.
அனைத்து புத்தகங்களும் வாங்க அணுகவும்:- பூம்புகார் அங்காடி