‘கத்தி’ படம் 50 நாட்களில் 146 கோடி வசூல்!…

சென்னை:-கத்தி படம் வெளியான ஒரே வாரத்தில் 100 கோடி வசூல் செய்ததாக அப்படத்தின் இயக்குநர் ஏ.ஆர்.முருகதாஸ் சொன்னார். அவர் சொல்வது பொய் என்றும், கத்தி படம் 100 கோடி வசூல் செய்யவில்லை என்றும் திரைப்படத்துறையைச் சேர்ந்தவர்கள் கூறினார்கள். விநியோகஸ்தர்கள் தரப்பிலும், கத்தி படம் 100 கோடி வசூல் செய்ததாக சொல்வது தவறான தகவல் என்று அப்போது சொல்லப்பட்டது.

இந்நிலையில், 50 ஆவது நாளைக் கடந்திருக்கிறது கத்தி படம். 50 நாட்களில் கத்தி படம் வசூல் செய்ததே 146 கோடிதான் என்ற தகவல் தற்போது வெளியாகி உள்ளது. அதாவது கத்தி படம் அமெரிக்காவில் 15.16 கோடியும், இங்கிலாந்தில் 3.23 கோடியும், மலேஷியாவில் 11.79 கோடியும், கனடாவில் 3.84 கோடியும் வசூல் செய்திருப்பதாகவும் புள்ளி விவரம் சொல்கிறார்கள். இந்த தொகை போக மீதமுள்ள தொகையை தமிழநாட்டில் வசூல் செய்ததாக சொல்கிறார்கள்.

இந்த புள்ளிவிவரத்தின்படி தமிழ்நாட்டில் மட்டும் சுமார் 112 கோடி ரூபாயை கத்தி படம் வசூல்செய்திருக்கிறதாம். இந்த தகவலை மறுக்கும் விநியோகஸ்தர்கள், 12 நாட்களில் 100 கோடி வசூல் செய்ததாக சொன்னவர்கள் இப்போது 50 நாட்களில் 146 கோடி என்று சொல்கிறார்கள். சினிமா வியாபாரம் பற்றி தெரியாதவர்கள் கிளப்பிவிடும் தகவல் இது. என்று கூறுகிறார்கள்.