அதேபோல், ஜி.வி.பிரகாஷ்குமாரின் முதல் படமான பென்சில் படத்தில் நடித்த ஸ்ரீதிவ்யா, தற்போது டார்லிங் என்ற படத்திலும் அவருடன் நடித்துக் கொண்டிருக்கிறார். இதற்கு காரணமும், பென்சில் படத்தில் அவர்களுக்கிடையிலான கெமிஸ்ட்ரி நன்றாக ஒர்க்அவுட் ஆனதுதானாம். மேலும், ஜி.வி.பிரகாசுக்கு பென்சில் முதல் படம் என்பதால், அவர் அதிக கூச்சமாக இருப்பார் என்று படப்பிடிப்பு தளத்தில் அவருடன் அதிக நேரத்தை செலவிட்டு நட்பை வளர்த்துக் கொண்டாராம் ஸ்ரீதிவ்யா.
அதனால்தான், முதலில் அவரை தொட்டு நடிக்கவே பயந்து பயந்து நின்ற ஜி.வி.பிரகாஷ் பின்னர் இயல்பாக நடிக்கத் தொடங்கினாராம். அதோடு, அவர் சில காட்சிகளில் நடிக்க அதிக டேக் வாங்கினாலும் தானும் அவருடன் சேர்ந்து சளைக்காமல் மீண்டும் மீண்டும் நடித்துக் கொடுத்தாராம் ஸ்ரீதிவ்யா. அவர் கொடுத்த அந்த ஒத்துழைப்பு காரணமாகத்தான் மீண்டும் டார்லிங் படத்திற்கும் அவரை புக் பண்ணியிருக்கிறார்களாம். இவர் மட்டுமின்றி தன்னுடன் எந்த ஹீரோக்கள் நடித்தாலும் தற்போது ஒத்துழைப்பு கொடுத்து நடிப்பதில் முதல் ஆளாக இருக்கிறாராம் ஸ்ரீதிவ்யா. அதனால்தான் விஷ்ணுவுடன் ஜீவா படத்தில் நடித்த அவரை மீண்டும் இன்னொரு படத்திலும் அவருடன் ஜோடி சேர்க்கும் பேச்சுவார்த்தை நடந்து கொண்டிருக்கிறது.
அனைத்து புத்தகங்களும் வாங்க அணுகவும்:- பூம்புகார் அங்காடி