சென்னை:-‘துப்பாக்கி’ படத்திற்கு பிறகு ஏ.ஆர்.முருகதாஸ்-விஜய் இணைந்திருக்கும் புதிய படம் ‘கத்தி’. இப்படத்தில் விஜய்க்கு ஜோடியாக சமந்தா நடித்து வருகிறார். இவர்களுடன் சதீஷ், பிரபு உள்ளிட்ட பலரும் நடித்து வருகின்றனர். இப்படத்தில் வில்லனாக பிரபல பாலிவுட் நடிகர் நீல் நிதின் முகேஷ் நடிக்கிறார்.
இப்படத்தின் படப்பிடிப்பு தொடர்ந்து நடைபெற்று வரும் நிலையில், நீல் முகேஷும், விஜய்யும் மோதும் காட்சிகள் தற்போது சென்னையில் படமாக்கப்பட்டு வருகிறது. இதைத் தொடர்ந்து ஒரு பாடல் காட்சியை படமாக்க படக்குழுவினர் வெளிநாடு செல்லவுள்ளனர். மேலும், ஒரு பாடலை அடுத்த மாதம் வடஇந்தியாவில் படமாக்கவுள்ளனர். இப்படத்தின் படப்பிடிப்பை அடுத்த மாத இறுதிக்குள் முடித்துவிட்டு, இறுதிக்கட்ட பணிகளை தொடங்க திட்டமிட்டுள்ளார் இயக்குனர் ஏ.ஆர்.முருகதாஸ்.
அனைத்து புத்தகங்களும் வாங்க அணுகவும்:- பூம்புகார் அங்காடி