லண்டன்:-இங்கிலாந்து அணியின் 20 ஓவர் கிரிக்கெட் மற்றும் ஒருநாள் கிரிக்கெட் அதிரடி வீரர் கீஸ்வெட்டர்(வயது 26) 46 சர்வதேச ஒருநாள் போட்டியிலும், 26 சர்வதேச 20-20 போட்டியிலும் விளையாடி உள்ளார். இங்கிலாந்து கவுண்டி கிரிக்கெட் அணியான சாமர்செட் அணிக்கு விளையாடி வரும் கீஸ்வெட்டர், நார்த்தாம்டன் ஷயர் அணிக்கு எதிராக நடைபெற்று வரும் 4 நாள் கிரிக்கெட் போட்டியில் விளையாடினார்.
போட்டியில் கீஸ்வெட்டர் 14 ரன்கள் எடுத்திருந்த போது இடது கை வேகப்பந்து வீச்சாளர் டி.ஜே.வில்லே என்பவரது பயங்கர பவுன்சரை புல் ஷாட் ஆட முயன்றார். ஆனால் பந்து எதிர்பார்த்ததை விட அதிக உயரம் எழும்பி ஹெல்மெட்டிற்குள் புகுந்து அவரது மூக்கை உடைத்தது. பந்து பலமாக தாக்கியதில் அவரது வலது கண்ணிற்கு கீழும், மூக்கிலும் பலத்த காயம் ஏற்பட்டது.
மூக்கு மற்றும் கண்ணை சுற்றிய பகுதியில் பாதிப்பு ஏற்பட்டுள்ளது என்றும் தனக்கு அறுவை சிகிச்சை தேவை என்றும் காயம் அடைந்துள்ள கீஸ்வெட்டர் தனது டூவிட்டரில் பதிவு செய்துள்ளார். மேலும் தனது கண்ணில் எந்த பாதிப்பும் இல்லை என்று அவர் கூறியுள்ளார்.
அனைத்து புத்தகங்களும் வாங்க அணுகவும்:- பூம்புகார் அங்காடி