கடந்த ஆண்டு டிசம்பர் மாதம் 14-ந்தேதி முதல் கடந்த 13-ந்தேதி வரை இந்தியாவின் பல்வேறு மாநிலங்களில் உள்ள முதல்-அமைச்சர்களில் யாரை பொதுமக்கள் அதிக முறை இணையதளத்தில் பார்வையிட்டுள்ளனர், தேடியுள்ளனர் என்பது குறித்து ‘கூகுள்’ இணையதளம் வெளியிட்டுள்ள அறிக்கையில் கூறியிருப்பதாவது:-இணையதளத்தில் அதிகமாக தேடப்படும் இந்தியாவில் உள்ள மாநில முதல்-அமைச்சர்களில், நரேந்திர மோடி(குஜராத்) முதல் இடத்தையும், ஜெயலலிதா(தமிழ்நாடு) 2-வது இடத்தையும், அகிலேஷ் யாதவ்(உத்தர பிரதேசம்) 3-வது இடத்தையும், மம்தா பானர்ஜி(மேற்கு வங்காளம்) 4-வது இடத்தையும், நிதீஷ் குமார்(பீகார்) 5-வது இடத்தையும் பிடித்துள்ளனர்.
இணையதளத்தில் அதிகம் பேரால் தேடப்பட்ட பா.ஜ.க.முதல்-மந்திரிகளிலும் நரேந்திர மோடியே முதல் இடத்தை பிடித்துள்ளார். 2-வது இடத்தை வசுந்தரா ராஜே(ராஜஸ்தான்) பெற்றுள்ளார்.அதிகம் பேரால் தேடப்பட்ட காங்கிரஸ் கட்சி முதல்- அமைச்சர்களில் தருண் கோகோய் (அசாம்) முதல்- இடத்தையும், உம்மன் சாண்டி (கேரளா) 2-வது இடத்தையும் பிடித்துள்ளனர். இவ்வாறு அறிக்கையில் கூறப்பட்டுள்ளது.
அனைத்து புத்தகங்களும் வாங்க அணுகவும்:- பூம்புகார் அங்காடி