Anushka_Shetty

சென்னை:-நடிகை அனுஷ்கா நடித்துள்ள ருத்ரமா தேவி படத்தை தமிழ், தெலுங்கு ஆகிய இரு மொழிகளில் எடுத்துள்ளனர். அனுஷ்கா ருத்ரமா ராணி வேடத்தில் நடித்துள்ளார். 13–ம் நூற்றாண்டில் வாழ்ந்த ருத்ரமாதேவி ராணியின் வாழ்க்கையை மையமாக வைத்து இந்த படத்தை எடுத்துள்ளனர். இதற்காக அனுஷ்கா வாள் சண்டை, குதிரை சவாரி பயிற்சிகள் பெற்று இப்படத்தில் நடிக்கிறார். இதன் பாடல் வெளியீட்டு விழாவை இரண்டு இடங்களில் பிரமாண்டமாக நடத்த ஏற்பாடுகள் செய்துள்ளனர். இன்று காலை விசாகப்பட்டினத்திலும் நாளை (22–ந்தேதி) வாராங்கல்லிலும் இவ்விழாவை நடத்த உள்ளனர். இதில் பங்கேற்கும்படி நடிகர், நடிகைகள், அரசியல் கட்சி தலைவர்களுக்கு அழைப்பு கொடுக்கப்பட்டு உள்ளது. சரித்திர கதை என்பதால் இப்படத்துக்கு அரசின் கேளிக்கை வரி விலக்கு பெற படக்குழுவினர் முயற்சிக்கின்றனர். படத்தின் இயக்குனர் குணசேகர் தெலுங்கானா முதல்–மந்திரி, சந்திரசேகர்ராவை நேரில் சந்தித்து பாடல் வெளியீட்டு விழாவுக்கு வரும்படி அழைப்பு விடுத்தார். அப்போது கேளிக்கை வரி விலக்கு பெறுவது பற்றியும் பேசியதாகவும் கூறப்படுகிறது. பின்னர் படத்தின் டிரெய்லரை காட்டினார். அதை பார்த்ததும் சந்திரசேகர்ராவ், கோபமடைந்தாராம். அதில் தெலுங்கானா மாநிலம் உதயமானதற்கு எதிரான வசனங்கள் இடம் பற்று இருந்ததாக கூறப்படுகிறது. இதுவே சந்திரசேகரராவை ஆத்திரப்பட வைத்ததாம். அதனை நேரிலேயே டைரக்டர் குணசேகரிடம் தெரிவித்துவிட்டார். இதனால் ருத்ரமா தேவி படத்துக்கு சிக்கல் எற்பட்டு உள்ளது. வரி விலக்கும் கிடைக்காது என்கின்றனர்.

சென்னை:-தென்னிந்திய சினிமாவில் ஹீரோவிற்கு நிகராக வலுவான கதாபாத்திரத்தில் நடிப்பவர் நடிகை அனுஷ்கா. இவர் தற்போது ருத்ரமாதேவி என்ற தெலுங்கு படத்தில் நடித்து வருகிறார். இப்படம் சுமார் ரூ 80 கோடி பட்ஜெட்டில் எடுக்கப்பட்டு வருகிறதாம். இந்நிலையில் இப்படத்தில் அனுஷ்கா பயன்படுத்தும் நகை மற்றும் அலங்கார பொருட்கள் பல கோடிகளாம். அதனால், அவரை சுற்றி பல பாதுகாவலர்கள் இருந்து கொண்டே தான் இருக்கிறார்களாம். மேலும், யாராலும் அனுஷ்காவை எளிதில் பார்க்க முடியாத படி மிகவும் கெடுபிடியாக உள்ளதாம் படக்குழு.