பாண்டிச்சேரிக்கு செல்லும் நடிகர் விஜய்சேதுபதி-நடிகை நயன்தாரா!…

சென்னை:-நடிகை நயன்தாரா கோலிவுட்டில் உள்ள பல முன்னணி ஹீரோக்களின் கனவுக்கன்னியாக திகழ்ந்து கொண்டிருக்கிறார். அதோடு, ஏற்கனவே அவருடன் நடித்தவர்கள்கூட மீண்டும் மீண்டும் நடிக்க ஆசைப்படுகின்றனர். அந்த அளவுக்கு ரசிகர்களைப்போலவே, நடிகர்களையும் தனது வசீகரத்தால் ஈர்த்து வைத்திருக்கிறார் நயன்தாரா. அப்படி நயன்தாராவின் நடிப்பு, அழகால் கவரப்பட்ட நடிகர்களில் விஜய்சேதுபதியும் ஒருவர்.

மேலும், இதுவரை தனது படங்களில் பிரபலமில்லாத நடிகைகளுடன் ஜோடி சேர்ந்து நடித்திருப்பவர், இப்போது முதன்முறையாக முன்னணி ஹீரோயின் நயன்தாராவுடன் இணைந்திருக்கிறார். அந்த வகையில், விஜய்சேதுபதி-நயன்தாரா இணைந்து நடித்து வரும் நானும் ரெளடிதான் படப்பிடிப்பு கடந்த மாதமே நடைபெற இருந்தது. ஆனால், விஜயசேதுபதி வேறு படங்களில பிசியாக இருந்ததால், நேற்று முதல் படப்பிடிப்பு தொடங்கியிருக்கிறர்கள்.

முதல்கட்டமாக சென்னையில் தொடங்கப்பட்டிருக்கும் படப்பிடிப்பு, 7ம் தேதிக்கு பிறகு பாண்டிச்சேரியில் நடக்கிறதாம். அப்போது, விஜய்சேதுபதி – நயன்தாரா சம்ந்தப்பட்ட வசன காட்சிகள் அங்குள்ள கடற்கரை ஏரியாவில் படமாக்கப்படுகிறதாம். அதைத் தொடர்ந்து வில்லன் கோஷ்டியுடன் விஜயசேதுபதி மோதும் ஆக்சன் காட்சிகளும் படமாகிறதாம்.