பி.மதன் வெளியீட்டில் “வேலையில்லா பட்டதாரி” திரைப்படம் …!

தனுஷ் நடிப்பில் தற்போது உருவாகியிருக்கும் படம் ‘வேலையில்லா பட்டதாரி’. இப்படத்தை அவருடைய சொந்த நிறுவனமான வொண்டர்பார் தயாரிக்கிறது. இதில் தனுஷுக்கு ஜோடியாக அமலாபால் நடித்திருக்கிறார். மேலும் இவர்களுடன் சரண்யா, சமுத்திரக்கனி உள்ளிட்ட பலர் நடித்துள்ளனர். இப்படத்தை வேல்ராஜ் இயக்கிருக்கிறார்.

அனிருத் இசையில் அனைத்து பாடல்களையும் தனுசே எழுதி பாடியிருக்கிறார். இப்படத்தின் பாடல்கள் ஏற்கனவே வெளியாகி ரசிகர்கள் மத்தியில் பெரும் வரவேற்பை பெற்றுள்ளது. இந்நிலையில் இப்படத்தின் டிரெய்லர் வெளியாகி 6 நாட்களில் மட்டும் 12 லட்சம் பார்வையாளர்களை பெற்றுள்ளது.

மேலும் இப்படத்தின் விளம்பரத்திற்காக சிறப்பு வீடியோ பாடல் ஒன்றை இப்படக்குழு உருவாக்கி வருகிறது எனத் தகவல் வந்துள்ளது.

தனுஷ் மற்றும் அனிருத் இடம்பெறும் இந்த வீடியோ கூடிய விரைவில் யூடியூப், மற்றும் டிவி சேனல்களில் வரவிருப்பதாக கோலிவுட் வட்டாரம் தெரிவிக்கிறது. இப்படத்தை எஸ்கேப் ஆர்டிஸ்ட் பி.மதன் வாங்கி வெளியிடுகிறார்.

‘வேலையில்லா பட்டதாரி’ தனுஷின் 25வது படமாகும். ஜூலை மாதம் இப்படத்தை வெளியிட திட்டமிட்டுள்ளனர்.