ஐ.நா.சபையில் இலங்கைக்கு எதிரான அமெரிக்க தீர்மானம் வெற்றி!… இந்தியா புறக்கணிப்பு…

நியூயார்க்:-ஜெனிவாவில் உள்ள மனித உரிமைகள் ஆணையத்தில், அமெரிக்கா கொண்டு வந்த தீர்மானம் மீது விவாதம் நடத்தப்பட்டது. இந்த விவாதத்தின்போது தீர்மானத்தை ஏற்கவில்லை என்று இந்திய பிரதிநிதி தெரிவித்தார்.விவாதம் முடிந்தபின்னர் தீர்மானத்தின் மீது வாக்கெடுப்பு நடத்தப்பட்டது.

அப்போது தீர்மானத்திற்கு ஆதரவாக இங்கிலாந்து, ஐரோப்பிய யூனியன், மொரிஷியஸ் உள்ளிட்ட 23 நாடுகளும், எதிராக சீனா உள்ளிட்ட 12 நாடுகளும் வாக்களித்தன. இந்தியா உள்ளிட்ட 12 நாடுகள் வாக்கெடுப்பில் கலந்துகொள்ளாமல் புறக்கணித்தன. இதனால் தீர்மானம் நிறைவேறியது.

எனவே, இலங்கையில் நடைபெற்ற மனித உரிமை மீறல்கள் குறித்து சர்வதேச விசாரணை நடத்தப்பட வாய்ப்பு ஏற்பட்டுள்ளது.ஆனாலும் இந்தியாவின் அழுத்தம் காரணமாக இலங்கைக்கு ஆதரவாக அமெரிக்கா பல்வேறு திருத்தங்கள் மேற்கொள்ளப்பட்டதாக கூறப்படுவது குறிப்பிடத்தக்கது.