செய்திகள்,திரையுலகம் அவேஞ்சர்ஸ்: ஏஜ் ஆஃப் அல்ட்ரான் (2015) திரை விமர்சனம்…

அவேஞ்சர்ஸ்: ஏஜ் ஆஃப் அல்ட்ரான் (2015) திரை விமர்சனம்…

அவேஞ்சர்ஸ்: ஏஜ் ஆஃப் அல்ட்ரான் (2015) திரை விமர்சனம்… post thumbnail image
படத்தின் கதைப்படி, அல்ட்ரான் உருவானதற்கு ஒரு வகையில் ‘அயன் மேன்’ டோனி ஸ்டார்க்கே காரணம். வேற்றுகிரகவாசிகளிடமிருந்து இந்த உலகத்தைக் காப்பதற்காக அவர் உருவாக்கிய ரோபோக்களான அல்ட்ரான் மனிதர்களுக்கு எதிராய் திரும்புவதே இப்படத்தின் கதை. பூமியின் அழிவுக்குக் காரணமாக இருப்பது மனித இனமே என நினைக்கும் அல்ட்ரான், மனிதர்களை பூமியில் இருந்து அப்புறப்படுத்த முயற்சிக்கிறது. அல்ட்ரானின் இந்த விபரீத முயற்சியை அவெஞ்சர்ஸ் ஹீரோக்கள் எப்படி முறியடிக்கிறார்கள் என்பதே இப்படத்தின் கதைக்களம்.

தமிழ்ப்படத்திற்குக்கூட இதற்கு முன்பு இவ்வளவு வரவேற்பு கிடைத்திருக்குமா என்பது சந்தேகமே. அந்தளவுக்கு காட்சிக்கு காட்சி தியேட்டரில் ரசிகர்கள் கூச்சலிட்டுக் கொண்டே இருக்கிறார்கள்.
அல்ட்ரானை மனிதர்களுக்கு எதிராய் திருப்பும் குழுவில் குவிக் சில்வர் (ஆரோன் டெய்லர்), ஸ்கேர்லெட் விட்ச் (எலிசபெத் ஒல்சென்) என இரண்டு சிறப்பு சக்தி வாய்ந்த மனிதர்களும் இருக்கிறார்கள். இவர்களது திட்டப்படி முதலில் அவெஞ்சர்ஸ் சூப்பர் ஹீரோக்களை அழித்துவிட்டால் மனிதர்களை எளிதில் பூமியிலிருந்து அப்புறப்படுத்திவிடலாம் என நினைக்கிறார்கள். இதனால் ஸ்கேர்லெட் விட்ச் தனது சக்தியின் மூலம் ஹல்க்கின் மூளையை தன் வசப்படுத்தி சிட்டியை அழிக்க அனுப்புகிறாள். மூர்க்க குணத்துடன் ஹல்க் தனது அசுரத் தாக்குதலை நகர மக்கள் மீது தொடுக்க, அதனை அயன்மேன் தன் கவச மனிதர்கள் மூலம் கட்டுப்படுத்தும் காட்சியில் தியேட்டரே அதிர்கிறது.

இத்தனை சூப்பர் ஹீரோக்களை வைத்துக் கொண்டு ஒரு படத்தை எடுக்க வேண்டுமானால் ஒவ்வொருவருக்கும் சமமான காட்சிகளை எப்படி திரையில் கொண்டுவர வேண்டும் என்பதற்கு இப்படம் சரியான உதாரணம். படத்தின் ஆரம்பக் காட்சியிலேயே இந்த சூப்பர் ஹீரோக்கள் இணைந்து எதிரிகளைப் பந்தாடும்போதே உற்சாகம் தொற்றிக் கொள்கிறது. வெறும் ஆக்ஷன் மட்டுமில்லாமல் சின்னச்சின்ன காமெடிகளையும் சூப்பர் ஹீரோக்கள் செய்வது படத்திற்கு கூடுதல் பலம். தொழில்நுட்ப ரீதியில் ஹாலிவுட் படங்கள் எத்தனை உயரத்திலிருக்கின்றன என்பதை இப்படத்தைப் பார்த்துத் தெரிந்து கொள்ளலாம். ஒரு சிட்டியையே பூமியோடு பெயர்த்தெடுத்து அந்தரத்தில் அல்டரான் ரோபோக்கள் தூக்கிச் செல்லும் காட்சி ரசிகர்களை சீட் நுனிக்கு வரவைக்கிறது. அதுவும் 3டியில் பார்க்கும்போது, ஒவ்வொரு காட்சியும் நம் கண்ணெதிரே நடப்பதுபோல் அவ்வளவு துல்லியம்.

மொத்தத்தில் ‘அவெஞ்சர்ஸ் 2 : ஏஜ் ஆஃப் அல்ட்ரான்’ பிரம்மாண்டம்………

அனைத்து புத்தகங்களும் வாங்க அணுகவும்:- பூம்புகார் அங்காடி