விஜய் பட இயக்குனரை தாக்கிய மம்மூட்டி!…

சென்னை:-எம்ஜிஆர் நகரில், வியட்நாம் காலனி, பிரண்ட்ஸ், எங்கள் அண்ணா, காவலன் உள்ளிட்ட தமிழ் படங்களை இயக்கியவர் மல்லுவுட் இயக்குனர் சித்திக். இவரது இயக்கத்தில் மலையாளத்தில் ஏராளமான படங்களில் மம்மூட்டி நடித்திருக்கிறார். இது பற்றி சித்திக் கூறியது:மம்மூட்டி நிறைய படங்கள் நடிப்பதுடன் நிறைய கதைகள் கேட்கிறார். எல்லா கதைகளின் விவரத்தையும் அவர் ஞாபகம் வைத்திருப்பதில்லை. சில நேரத்தில்இயக்குனர்களிடம் கதைபற்றி தனது சந்தேகங்களை கேட்பார்.

அதை சிலர் தவறாக புரிந்துகொண்டு மம்மூட்டி டைரக்டர் வேலையில் தலையிடுபவர் என்கின்றனர். நான் ஒரு இயக்குனராக, அவர் சந்தேகம் கேட்பதை வரவேற்கிறேன். அதுதான் நடிகரின் ஆர்வத்தை வெளிப்படுத்தும் செயல். ஒவ்வொரு நடிகருக்கும் ஒருபாணி இருக்கிறது. மோகன்லாலை பொறுத்தவரை எல்லாவற்றையும் ஞாபகம் வைத்திருப்பார். அதனால் அவர் டவுட் கேட்க மாட்டார். அர்த்தமுள்ள கேள்விகளை மட்டுமே மம்மூட்டி கேட்பார்.

பிறகு அவரிடமிருந்து நாம் எதிர்பார்த்ததைவிட அதிக நடிப்பை பெறலாம். என்னைப்பற்றி அவர் வெளிப்படையாக விமர்சனம் செய்வார். சினிமாவில் மட்டும்தான் நான் நன்றாக விளங்குகிறேன் மற்றபடி சொந்த வாழ்க்கையிலும் மற்ற விஷயங்களிலும் முட்டாள்தனமாகவே செயல்படுவதாக கூறுவார். அவரது விமர்சனத்தை நான் ரொம்பவே ரசிப்பேன்.இவ்வாறு சித்திக் கூறினார்.