ஐ படம் இத்தனை திரையரங்குகளை மொத்தமாக குத்தகைக்கு எடுத்திருப்பதால், 8ஆம் தேதி வெளியாகும் என எதிர்பார்க்கப்படும் என்னை அறிந்தால் படம் அன்றைய தினம் வெளியாக வாய்ப்பில்லை என்று தோன்றுகிறது. அஜித் நடித்த படத்துக்கே கடும் போட்டியை ஏற்படுத்தி இருந்தாலும், ஐ படத்தின் தயாரிப்பாளர் ஜனவரி 5 ஆம் தேதியை நினைத்து கலக்கத்தில் இருக்கிறார். அன்றைய தினம்தான் சென்சாருக்குச் செல்கிறது ஐ படம். அதிரடியான ஆக்ஷன் காட்சிகள், விக்ரமின் அகோரமான முகம் ஆகியவற்றின் காரணமாக படத்துக்கு யு சான்றிதழ் கிடைக்க வாய்ப்பில்லை என்ற கருத்து நிலவுகிறது. அதை எல்லாம் தாண்டி இப்படத்துக்கு யு சர்டிஃபிகேட் வாங்க வேண்டும் என்பதில் முனைப்பாக செயல்பட்டு வருகிறார் தயாரிப்பாளர். ஐ படத்தின் சாட்டிலைட் ரைட்ஸ் ஆளும்கட்சி சேனலுக்கு விற்கப்பட்டிருப்பதால் சென்சாரில் பிரச்சனை இருக்காது என்று ஐ படக்குழு தெம்புடன் இருப்பதாகவும் சொல்லப்படுகிறது.
அனைத்து புத்தகங்களும் வாங்க அணுகவும்:- பூம்புகார் அங்காடி