செய்திகள்,திரையுலகம்,முதன்மை செய்திகள் ‘சூப்பர் ஸ்டார்’ ரஜினி பெயரில் புது அரசியல் கட்சி!…

‘சூப்பர் ஸ்டார்’ ரஜினி பெயரில் புது அரசியல் கட்சி!…

‘சூப்பர் ஸ்டார்’ ரஜினி பெயரில் புது அரசியல் கட்சி!… post thumbnail image
சென்னை:-‘சூப்பர் ஸ்டார்’ ரஜினி அரசியலில் ஈடுபடுவது பற்றி முடிவு அறிவிக்கப்படவில்லை. இந்த நிலையில் ரசிகர்கள் அரசியல் கட்சி துவங்குவது பரபரப்பை ஏற்படுத்தி உள்ளது. திருப்பூரில் தமிழ்நாடு ரஜினிகாந்த் பொது தொழிலாளர் சங்கம் மற்றும் மனித தெய்வம் ரஜினிகாந்த் மகளிர் சேவை மையங்கள் செயல்பட்டு வருகின்றன. தமிழ்நாடு ரஜினிகாந்த் பொது தொழிலாளர் சங்கத்தின் மாநில தலைவராக எஸ்.எஸ். முருகேஷ் பொறுப்பு வகிக்கிறார்.

இவர் 14 மாவட்டங்களை சேர்ந்த ரஜினி ரசிகர் மன்ற நிர்வாகிகள் பங்கேற்கும் பொதுக்குழு மற்றும் செயற்குழு கூட்டத்தை வருகிற 12–ந்தேதி திருப்பூரில் கூட்டுகிறார்கள். இந்த கூட்டத்தில்தான் புது கட்சி பற்றி அறிவிப்பு வெளியிடப்படுகிறது. கட்சி பெயர், கொடி சின்னம் போன்றவைகளும் அறிவிக்கப்படுகிறது. கட்சி துவங்கும் முடிவு பற்றி ரசிகர் மன்ற தலைமைக்கு விளக்க கடிதம் அனுப்பி வைத்துள்ளனர். இதுகுறித்து சங்கத்தின் மாநில தலைவர் எஸ்.எஸ். முருகேஷ் கூறும்போது ரஜினி பிறந்த நாளான 12–ந்தேதி அன்று பொது, தொழிலாளர் சங்கத்தை அரசியல் கட்சியாக அறிவிக்க உள்ளோம். கட்சி ஆரம்பிக்க தேர்தல் கமிஷனுக்கு கடிதம் அனுப்பப்பட்டு உள்ளது.

கடந்த 6 மாதமாக நிர்வாகிகளுடன் தொடர்ந்து ஆலோசனை நடத்தி கட்சி துவங்கும் முடிவை எடுத்துள்ளோம். விரைவில் மதுரை அல்லது கோவையில் மாநாடு நடத்தப்படும் என்றார். புது கட்சி துவங்கப்படுவது குறித்து ரஜினி ரசிகர் மன்ற தலைமை நிர்வாகி ஒருவர் கூறும்போது, ரஜினி அரசியல் பற்றி எந்த முடிவும் எடுக்கவில்லை. இந்த நிலையில் தன்னிச்சையாக கட்சி துவங்குவதாக ரஜினி பெயரை பயன்படுத்தி எஸ்.எஸ்.முருகேஷ் அறிவிப்பு வெளியிட்டு இருப்பது ரசிகர் மன்ற நடவடிக்கைகளுக்கு எதிரானது. அவர் மீது நடவடிக்கை எடுக்கப்படும் என்றார்.

அனைத்து புத்தகங்களும் வாங்க அணுகவும்:- பூம்புகார் அங்காடி