சென்னை:-பிரபல நடிகர்கள் செய்யும் தவறான விசயங்களை பெருவாரியான ரசிகர்கள் பின்பற்றுவதால், அந்த மாதிரி காட்சிகள் நடிகர்கள் நடிக்கக்கூடாது என்று ஏற்கனவே டாக்டர் ராமதாஸ் குரல் கொடுத்தார். தற்போது வேலையில்லா பட்டதாரி படம் மூலம் அதை தொடங்கி வைத்திருக்கிறார் தனுஷ். அதனால் மீண்டும் தனது எதிர்ப்பினை தெரிவித்தார் ராமதாஸ்.
மேலும் சமூக ஆர்வலர்கள் அதற்கு எதிர்ப்பாக உயர்நீதிமனறத்தில் வழக்கும் தொடுத்தனர். ஆனால் அந்த வழக்கை விசாரித்த நீதிபதிகள் தள்ளுபடி செய்து விட்டனர்.இதையடுத்து நடிகை குஷ்பு விடுத்துள்ள செய்தியில, தனுஷ் புகை பிடிப்பது போன்று நடித்ததை எதிர்த்து தொடரப்பட்ட வழக்கை நீதிபதிகள் தள்ளுபடி செய்ததை வரவேற்றுள்ளார். அதோடு, நடிகர்கள் செய்யும் நல்ல விசயங்களை யாருமே பாராட்டுவதில்லை. பின்பற்றுவதில்லை. அதை விடுத்து சிகரெட் பிடிப்பதையெல்லாம் பிரச்சினையாக்குவது எந்தவிதத்திலும் நியாயமில்லை என்று கூறியுள்ளார்.
அனைத்து புத்தகங்களும் வாங்க அணுகவும்:- பூம்புகார் அங்காடி