செய்திகள்,திரையுலகம் ரஜினி, கமல் நடிக்க ‘எந்திரன்’, ‘இந்தியன்’ படங்களின் 2–ம் பாகம் தயாரிப்பு!…

ரஜினி, கமல் நடிக்க ‘எந்திரன்’, ‘இந்தியன்’ படங்களின் 2–ம் பாகம் தயாரிப்பு!…

ரஜினி, கமல் நடிக்க ‘எந்திரன்’, ‘இந்தியன்’ படங்களின் 2–ம் பாகம் தயாரிப்பு!… post thumbnail image
சென்னை:-ரஜினி, கமலுக்கு எந்திரன், இந்தியன் படங்கள் மெகா ஹட் படங்களாக அமைந்தன. இருவருமே இப்படங்களில் இரட்டை வேடங்களில் நடித்து இருந்தனர். ஷங்கர் இயக்கினார்.

இந்தியன் படம் 1996–ல் ரிலீசானது. சுமார் ரூ.12 கோடி பட்ஜெட்டில் எடுக்கப்பட்ட இப்படம் ரூ.30 கோடி வசூல் ஈட்டியது. இப்படத்துக்கு தேசிய விருதுகள் கிடைத்தன.எந்திரன் படம் 2010–ல் ரிலீசானது. ரஜினி ஜோடியாக ஐஸ்வர்யாராய் நடித்து இருந்தார். இவ்விரு படங்களின் 2–ம் பாகத்துக்கான கதையை ஷங்கர் தயார் செய்துள்ளார்.தற்போது, விக்ரமை வைத்து ‘ஐ’ படத்தை இயக்கி வருகிறார். இது முடிந்ததும் இந்தியன், எந்திரன் படங்களின் 2–ம் பாகத்துக்கான பட வேலைகளை முழு வீச்சில் துவங்குகிறார்.

கோச்சடையான் படத்தை முடித்து விட்டு ரஜினி ஓய்வில் இருக்கிறார். அடுத்த படத்துக்கான கதையை அவர் இன்னும் முடிவு செய்யவில்லை. கமல், விஸ்வரூபம் 2 படத்தை முடித்துள்ளார். அடுத்து உத்தமவில்லன் படத்தில் நடிக்க தயாராகிறார். மலையாளத்தில் ஹிட்டான ‘திரிஷ்யம்’ படத்தின் தமிழ் ரீமேக்கில் நடிக்கவும் ஒப்பந்தமாகியுள்ளார்.கமல் பிசியாக நடித்துக் கொண்டு இருப்பதால் ரஜினியை வைத்து எந்திரன் 2 படங்களை முதலில் துவங்க ஷங்கர் திட்டமிட்டுள்ளதாக கூறப்படுகிறது.கமல் கைவசம் உள்ள படங்களை முடித்த பிறகு இந்தியன் 2–ம் பாகம் படப்பிடிப்பை துவக்குகிறார்.

அனைத்து புத்தகங்களும் வாங்க அணுகவும்:- பூம்புகார் அங்காடி