திரையுலகம்,முதன்மை செய்திகள் 17 வயசு இளைய தளபதி விஜய்யின் இந்தி பிரவேசம்

17 வயசு இளைய தளபதி விஜய்யின் இந்தி பிரவேசம்

Vijay-Akshaikumar Dancing in Rowdy-Rathore

காணொளி:-

சஞ்சய் லீலா பன்சாலி தயாரிப்பில் பிரவுதேவா இயக்கி வரும் இந்தி படம் ரவுடி ரத்தோர். இந்த திரைப்படம் சூர்யாவின் சிங்கத்திற்கு இணையாக பேசப்பட்ட கார்த்தி நடித்த சிறுத்தையின் ரீமேக். இந்தி ரீமேக்கில் அக்ஷய் குமார், சோனாக்ஷி சின்ஹா நடிக்கின்றனர். இதில் ஒரு பாடலுக்கு இளைய தளபதி விஜய்யை அணுகி இருக்கிறார் பிரபுதேவா, விஜய்யும் இந்தியில் முதல் முறையாக ஒரு பாடலுக்கு கலக்கலாக ஆடியுள்ளார்.

இந்த படத்தில் இளைய தளபதி விஜய்யுடன் இணைந்து ஆடிய அக்ஷய் குமார் விஜய்யின் ஆட்டத்தை பார்த்து பிரமித்து, “அவருக்கு என்ன 17 வயதா” என்று பிரபுதேவாவை கேட்டுள்ளார்.

ஆனால் கோலிவுட்டில் பெரிய ஹீரோவான விஜய்யை எப்படி ஒரு பாட்டுக்கு வந்து ஆடுங்க என்று சொல்வது என்று பிரபுதேவா முதலில் தயங்கினாராம். பிறகு சரி கேட்டுத் தான் பார்ப்போம் என்று விஜய்யிடம் கேட்டுள்ளார். பிரபுதேவா சற்றும் எதிர்பாராவிதமாக உடனடியாக சரி என்று சொல்லிய விஜய் அடுத்த 1 மணி நேரத்தில் ஷூட்டிங் ஸ்பாட் வந்துவிட்டாராம்.

விஜய்யை பார்த்தவுடன் படத்தின் ஹீரோ அக்ஷய்க்கு ஒரே ஆச்சரியமாம். உடனே வந்து விஜய்யை ஆரத் தழுவி தனது மகிழ்ச்சியை வெளிப்படுத்தியுள்ளார். இது குறித்து பிரபுதேவா கூறுகையில், இந்த பாடல் மூலம் விஜய்யை பாலிவுட்டில் அறிமுகம் செய்ய முயற்சிக்கவில்லை. அவரை யாரும் பாலிவுட்டுக்கு சிபாரிசு செய்யத் தேவையில்லை. பாலிவுட்டே அவரை வரவேற்கும் என்றார்.

அனைத்து புத்தகங்களும் வாங்க அணுகவும்:- பூம்புகார் அங்காடி

Comments are closed.