திரையுலகம் ஏ.ஆர்.முருகதாஸுக்கு டாடா காட்டிய அமலா பால் – விமல் ஜோடி

ஏ.ஆர்.முருகதாஸுக்கு டாடா காட்டிய அமலா பால் – விமல் ஜோடி

Tamil,Tamil News,Tamil News paper,Tamil Newspaper, Tamil daily news paper, Tamil daily,newspaper,Tamilnadupolitics,kollywood,Tamil Cinema

ஏ ஆர் முருகதாஸ் தயாரிக்கும் புதிய படத்திலிருந்து நாயகி அமலா பால் மற்றும் ஹீரோ விமல் இருவருமே விலகிவிட்டனர்.

ஹாலிவுட்டின் பாக்ஸ் ஸ்டார் நிறுவனத்துடன் இணைந்து ஏ ஆர் முருகதாஸ் ஒரு படம் தயாரிக்கிறார். இந்தப் படத்தை அவரிடம் உதவியாளராக இருந்த சரவணன் இயக்குகிறார்.

இன்னும் பெயர் அறிவிக்கப்படாத இந்தப் படத்தில் நடிக்க ஜெய், அஞ்சலி, களவாணி படத்தில் நடித்த விமல், மைனா புகழ் அமலா பால் ஆகியோர் நடிக்க ஒப்பந்தமாகியிருந்தனர். டிசம்பர் 15-ம் தேதி படப்பிடிப்பும் ஆரம்பித்த நிலையில், இதிலிருந்து விலகிக் கொள்வதாக அறிவித்துள்ளனர் அமலாவும் விமலும். ஜெய் – அஞ்சலிக்கு அடுத்த நிலையில் நடிக்க விரும்பாததால் விலகுவதாக விளக்கம் அளித்துள்ளனர்.

இப்போது விமலுக்குப் பதில் தெலுங்கு ஹீரோ சர்வானந்த் நடிப்பதாக அறிவிக்கப்பட்டுள்ளது. அமலாவுக்குப் பதில் வேறு நாயகியைத் தேடி வருகின்றனர்.

அதே நேரம், இந்தப் படத்திலிருந்து கழன்று கொண்ட அமலாவும் விமலும், பசங்க படத்தை இயக்கிய பாண்டிராஜ் படத்தில் நாயகன் நாயகியாக ஒப்பந்தமாகியுள்ளனர்.

இந்த வாய்ப்புக்காகவே, முருகதாஸ் படத்தை விட்டு விலகியதாகவும் கூறப்படுகிறது.

அனைத்து புத்தகங்களும் வாங்க அணுகவும்:- பூம்புகார் அங்காடி